सिंधूचा दुसऱ्या फेरीत प्रवेश

ओडेन्स : लक्ष्य सेनसह भारताच्या सर्व खेळाडूंचे आव्हान पहिल्याच फेरीत संपुष्टात येत असतानाच पी. व्ही. सिंधू डेन्मार्क खुल्या बॅडमिंटन स्पर्धेची (सुपर ७५० दर्जा) दुसरी फेरी गाठण्यात यशस्वी ठरली.चायनीज तैपेईच्या पै यू पो हिने सिंधू विरुद्ध दुसऱ्या गेमला दुखापतीमुळे माघार घेतली. यामुळे सिंधूला विजयी घोषित करण्यात आले. अर्थात, पो हिच्या माघारीच्या निर्णयावेळी सिंधूचेच पारडे जड होते. सिंधूने पहिला गेम २१-८ असा जिंकला होता, तर दुसऱ्या गेममध्ये ती १३-७ अशी आघाडीवर होती.