Rohit Sharma has set three parameters for Playing XI Selection: आयसीसी क्रिकेट विश्वचषक २०२३ साठी टीम इंडियाची घोषणा करण्यात आली आहे. कर्णधार रोहित शर्मा आणि मुख्य निवडकर्ता अजित आगरकर यांनी मीडियासमोर येऊन संघाची घोषणा केली आणि पत्रकारांच्या प्रश्नांनाही उत्तरे दिली. विश्वचषकासाठी निवडण्यात आलेल्या १५ सदस्यीय संघात आश्चर्यकारक नावे नव्हती. सर्व १५ खेळाडू सध्या श्रीलंकेत आशिया कपमध्ये खेळत आहेत. यादरम्यान भारतीय कर्णधार रोहित शर्माने या १५ पैकी प्लेइंग इलेव्हनसाठी खेळाडूंची निवड कशी केली जाईल, हे देखील सांगितले.
हिटमॅनने वर्ल्ड कपसाठी तीन पॅरामीटर्स केले सेट –
यादरम्यान रोहित शर्माने प्लेइंग इलेव्हनसाठी तीन पॅरामीटर्स सेट केले आहेत. रोहित शर्मा आणि सांगितले की, जो खेळाडू तीन पॅरामीटर्स पूर्ण करेल त्यालाच प्लेइंग इलेव्हनमध्ये स्थान मिळेल. रोहितचे ते तीन पॅरामीटर्स ही सांगितेल. विरोधी संघ, अलीकडचा फॉर्म आणि कामगिरी. रोहित म्हणाला की, प्लेइंग इलेव्हन निवडण्याआधी आपण हे लक्षात ठेवू की विरोधी संघ कोणता? तसेच, खेळाडूचा अलीकडचा फॉर्म आणि कामगिरी काय आहे
विश्वचषकात सर्वोत्तम प्लेइंग इलेव्हनसह खेळणार –
रोहित शर्माने सांगितले की, आम्ही या तीन पॅरामीटर्सवर खेळाडूंचे मूल्यमापन करू आणि त्यानंतर प्लेइंग इलेव्हनमध्ये कोणाचा समावेश करायचा हे ठरवू. रोहित म्हणाला की, वर्ल्ड कपमध्ये आमचा प्रयत्न सर्वोत्तम प्लेइंग इलेव्हनसह खेळण्याचा असेल. यावेळी युजवेंद्र चहल आणि संजू सॅमसनबद्दल बोलताना रोहित शर्मा म्हणाला, क्रिकेटमध्ये असे घडते. जेव्हा आम्ही संघ तयार करतो तेव्हा आम्हाला कोणालातरी बाहेर ठेवावे लागते.
विश्वचषकासाठी भारतीय संघ –
रोहित शर्मा (कर्णधार), शुबमन गिल, विराट कोहली, श्रेयस अय्यर, इशान किशन, केएल राहुल, हार्दिक पांड्या (उपकर्णधार), सूर्यकुमार यादव, रवींद्र जडेजा, अक्षर पटेल, शार्दुल ठाकूर, मोहम्मद शमी, मोहम्मद सिराज, जसप्रीत बुमराह, कुलदीप यादव.