Team India Victory Parade Highlights: बीसीसीआयने टीम इंडियाला दिला १२५ कोटींचा चेक, विराट-रोहित झाले भावुक

https://twitter.com/mufaddal_vohra/status/1808703936385130829

https://twitter.com/PTI_News/status/1808696134790967631

https://twitter.com/ANI/status/1808694982129099204

भारतीय संघ आयटीसी मौर्या हॉटेलमध्ये दाखल झाला असून ऋषभ पंत भारताची ट्रॉफी घेऊन जात आहे. टीम इंडियाच्या स्वागतासाठी हॉटेलमध्ये जय्यत तयारी करण्यात आली आहे. केक आणि सजावटीनेही सर्वांचं लक्ष वेधलं आहे.

भारतीय संघ दिल्ली विमानतळावरून आयटीसी मौर्या हॉटेलकडे रवाना झाला असून बसमधून जातानाची दृश्ये समोर आली आहेत. भारतीय संघाच्या दोन बस आणि त्यांच्या ताफ्यासोबत मोठा कडक बंदोबस्त पाहायला मिळत आहे.

भारतीय संघ बसमध्ये बसल्याचे व्हीडिओ फोटो समोर आले आहेत. विराट कोहली टीम बसमध्ये बसला आहे आणि यानंतर संघ हॉटेलकडे रवाना होईल.

भारतीय संघ दिल्ली विमानतळावरून हॉटेलकडे निघाला आहे. यादरम्यान रोहित शर्मा हातात ट्रॉफी होती आणि चाहत्यांना पाहत त्याने हि ट्रॉफी उंचावली आणि चाहत्यांचा एक जल्लाेष पुन्हा पाहायला मिळाला.

टी-२० विश्वचषक २०२४ चे विजेतेपद पटकावणारी टीम इंडिया दिल्ली विमानतळावर पोहोचली आहे. याची माहिती आणि व्हीडिओ वृत्तसंस्था ANI ने दिली आहे. आता काही वेळातच टीम इथून हॉटेलकडे रवाना होईल.

विश्वविजेत्या भारतीय संघाला पाहण्यासाठी दिल्ली विमानतळावर चाहत्यांची गर्दी पाहायला मिळत आहे. एएनआयने शेअर केलेल्या व्हीडिओमध्ये चाहत्यांचा जल्लोष आणि त्यांची गर्दी पाहता येत आहे. रात्री ३ वाजल्यापासूनच चाहते दिल्ली विमानतळाबाहेर तळ ठोकून बसले होते. एएनआय, पीटीआय या वृत्तसंस्थांनी याचे फोटो, व्हीडिओ शेअर केेल आहेत.

टी-२० विश्वचषक २०२४ चे विजेतेपद पटकावणारी टीम इंडिया दिल्ली विमानतळावर पोहोचली आहे. याची माहिती आणि व्हीडिओ वृत्तसंस्था ANI ने दिली आहे. आता काही वेळातच टीम इथून हॉटेलकडे रवाना होईल.

सध्या भारतात टीम इंडिया ज्या चार्टर्ड फ्लाइटने भारतात येत आहे त्याचं नाव AIC24WC आहे. यासाठी ही फ्लाईट कुठे आहे किती वाजता पोहोचेल याबाबत सर्वाधिक सर्च चाहत्यांकडून केलं जात होतं. रोहित शर्मा आणि ब्रिगेडच्या स्वागतासाठी भारतीय चाहते आतुरतेने वाट पाहत आहेत.

टी-२० विश्वचषक २०२४ च्या विजेतेपदासह संपूर्ण स्पर्धेत अजिंक्य राहिलेला संघ भारतात दाखल झाला आहे. रोहित शर्माच्या नेतृत्त्वाखालील भारतीय संघाने तब्बल दशकभराचा आयसीसी ट्रॉफीचा दुष्काळ संपवला आहे. २९ जुलै रोजी झालेल्या रोमहर्षक सामन्यात भारताने दक्षिण आफ्रिकेचा ७ धावांनी पराभव करत विश्वचषकावर आपले नाव कोरले. आता हा भारतीय संघ मायदेशात दाखल झाला असून चाहत्यांसोबत हा आनंद संघ साजरा करताना दिसणार आहे.