केळी आणि दह्याचे एकत्रित सेवन लैंगिक आरोग्यासाठी फायदेशीर ठरते का? जाणून घ्या, तज्ज्ञ काय सांगतात

सुरुवातीला आपण केळी आणि दह्याचे फायदे जाणून घेऊ या.

केळी

डॉ. उगलमुगले यांच्या मते, केळ्यामध्ये पोटॅशियम भरपूर प्रमाणात असतात, जे रक्तप्रवाह सुधारण्यास मदत करतात. याशिवाय केळी हे लैंगिक आरोग्यासाठी एक महत्त्वाचा घटक आहे. “केळ्यामध्ये जीवनसत्त्वे बीचे प्रमाण जास्त असते, जे ऊर्जेची पातळी वाढवण्यास आणि तणाव कमी करण्यास मदत करतात, यामुळे व्यक्तीची लैंगिक कार्यक्षमता वाढू शकते.
केळ्यामध्ये ब्रोमेलेन नावाचे एन्झाइमदेखील असते, जे लैंगिक इच्छा (libido) वाढवते आणि पुरुषांमधील नपुंसकता कमी करते”, असे डॉ. उगलमुगले पुढे सांगतात.

पचनक्रिया : केळ्यामध्ये फायबरचे प्रमाण अधिक असते, जे पचनास मदत करतात आणि आतड्यांचे आरोग्य चांगले ठेवण्यास मदत करतात.

ऊर्जा : केळ्यामध्ये कर्बोदकांचे प्रमाण भरपूर असते, जे ऊर्जा प्रदान करतात.

हृदयाचे आरोग्य : केळ्यातील पोटॅशियम रक्तदाब नियंत्रित ठेवण्यास तसेच स्ट्रोकचा धोका कमी करून हृदयाचे आरोग्य सुदृढ ठेवण्यास मदत करतो.

हेही वाचा : Nutritional Deficiencies : तुम्हाला सतत चॉकलेट किंवा चिप्स खाण्याची इच्छा होते? शरीरात ‘या’ पौष्टिक घटकांची असू शकते कमतरता; जाणून घ्या, तज्ज्ञ काय सांगतात

दही

दह्यात प्रोबायोटिक्स भरपूर प्रमाणात असतात, जे आतड्यांचे आरोग्य सुधारतात. प्रोबायोटिक्स लैंगिक आरोग्य सुधारण्याससुद्धा मदत करतात, असे डॉ. उगलमुगले सांगतात. त्या पुढे सांगतात, “दही हा प्रोटीनचा एक चांगला स्रोत आहे, जो लैंगिक कार्यक्षमतेसह स्नायूंचे आरोग्यदेखील उत्तम ठेवण्यास मदत करतो.

पचनक्रिया : दह्यामध्ये प्रोबायोटिक्स असतात, जे निरोगी आतड्यांतील मायक्रोबायोमला अन्न पचण्यासाठी व पोषक घटक शोषून घेण्यासाठी मदत करते.

हाडांचे आरोग्य : दह्यामध्ये कॅल्शियम आणि व्हिटॅमिन डी भरपूर प्रमाणात असतात, जे हाडे मजबूत ठेवण्यास मदत करते.

रोगप्रतिकारकशक्ती : दह्यातील प्रोबायोटिक्स आतड्यांतील चांगले बॅक्टेरिया नियंत्रित ठेवून रोगप्रतिकारकशक्ती वाढवण्यास मदत करतात.

हेही वाचा : झोपेचं रुटीन बिघडलंय! फक्त एक तासाची कमी झोप तुमच्या आरोग्यासाठी ठरेल धोक्याची घंटा? तज्ज्ञांनी केला खुलासा

केळी आणि दह्याचे एकत्रित फायदे

केळी आणि दही एकत्र सेवन केल्यावर त्याचा एकत्रित प्रभाव दिसू शकतो, असे डॉ. उगलमुगले सांगतात. डॉ. उगलमुगले पुढे सांगतात, “केळी आणि दही एकत्रित सेवन केल्याने कर्बोदके, प्रथिने, जीवनसत्त्वे आणि खनिजे यांचे संतुलित मिश्रण शरीरास मिळते. तसेच केळी आणि दही पचनाशी संबंधित समस्या दूर करतात, ज्यामुळे आपण संपूर्णपणे निरोगी राहतो आणि आपल्याला भरपूर ऊर्जा मिळते.”

डॉ. उगलमुगले यांच्या मते, केळी आणि दही एकत्रित खाल्ल्याने ऊर्जा पातळी आणि शारीरिक क्षमता राखण्यास मदत होते, ज्यामुळे आपले सामान्य आरोग्य आणि लैंगिक आरोग्य निरोगी राहते.

डॉ. उगलमुग्ले यांच्या मते, केळी आणि दही एकत्रित सेवन केल्याने आरोग्यावर विशेषतः लैंगिक आरोग्यावर होणाऱ्या परिणामांवर संशोधन मर्यादित आहे, त्यामुळे अधिक माहितीसाठी आरोग्यतज्ज्ञांचा तसेच आहारतज्ज्ञ व पोषणतज्ज्ञांचा सल्ला घ्यावा.