how much blood sugar level should be at the age of 45 50 see the chart and tips to control | Loksatta

वयाच्या ४५-५० व्या वर्षी रक्तातील साखरेची पातळी किती असली पाहिजे? जाणून घ्या चार्ट आणि मधुमेह नियंत्रित करण्यासाठी टिप्स

४० वर्षांनंतर आहाराची काळजी घ्या आणि रक्तातील साखर तपासा.

वयाच्या ४५-५० व्या वर्षी रक्तातील साखरेची पातळी किती असली पाहिजे? जाणून घ्या चार्ट आणि मधुमेह नियंत्रित करण्यासाठी टिप्स
photo(freepik)

मधुमेह ही संपूर्ण जगासाठी मोठी समस्या आहे. प्रत्येक घरामध्ये एक तरी रुग्ण हा मधुमेहग्रस्त असतो. WHO च्या मते, ४२२ दशलक्ष लोक मधुमेहाचे रुग्ण आहेत. त्यापैकी १.५ दशलक्ष लोकांचा दरवर्षी मधुमेहामुळे मृत्यू झाल्याचा अहवाल आहे. मधुमेह हा एक प्रकारचा सिंड्रोम आहे जो स्वतः एक आजार नसून इतर अनेक आजारांना कारणीभूत ठरतो. सुरुवातीला, हे अगदी किरकोळ लक्षणे दाखवतात, म्हणून आपल्याकधील लोक त्याकडे लक्ष देत नाहीत. पण ही लक्षणे नंतर खूप गंभीर होतात आणि इतर अनेक आजारांना जन्म देतात.

वास्तविक, जेव्हा रक्तातील ग्लुकोजचे प्रमाण वाढते आणि ग्लुकोज शोषून घेणारे इन्सुलिन कमी होते किंवा काम करणे थांबवते तेव्हा मधुमेहाचा आजार होतो. ग्लुकोज साखरेपासून बनते. ते अन्नाद्वारे शरीरात प्रवेश करते. मधुमेहपूर्व अवस्थेत रक्तातील साखरेचे प्रमाण नियंत्रित ठेवल्यास मधुमेह होण्याचा धोका खूप कमी होऊ शकतो. म्हणूनच रक्तातील साखरेचे प्रमाण खरोखर किती असावे हे जाणून घेणे महत्त्वाचे आहे.

( हे ही वाचा: Uric Acid: ‘या’ ४ आयुर्वेदिक उपायांनी तुम्ही युरिक अॅसिड आणि सांधेदुखीपासून मुक्त होऊ शकता; जाणून घ्या तज्ज्ञांकडून)

रक्तातील साखर किती असावी

रक्तातील साखरेचे प्रमाण किती असावे, हे एकूण आरोग्य, वय, आरोग्य स्थिती आणि मधुमेह किती दिवस आहे यावर अवलंबून असते. जर कोणताही आजार नसेल, तर १८ वर्षांपेक्षा जास्त वयाच्या प्रौढ व्यक्तीच्या रक्तातील साखरेचे प्रमाण ९९ मिलीग्राम प्रति डेसीलिटर किंवा त्याहून कमी असावे. त्याच वेळी, अन्न खाल्ल्यानंतर एक ते दोन तासांनी, रक्तातील साखर १४० मिलीग्राम प्रति डेसीलिटर असावी. ४० वर्षांनंतर रक्तातील साखरेची वारंवार तपासणी करावी. जर तुमच्या रक्तातील साखरेचे प्रमाण सामान्य मर्यादेपेक्षा जास्त असेल तर तुम्ही ताबडतोब डॉक्टरांकडे जावे.

४५-५० वर्षे वयाच्या रक्तातील साखरेची पातळी किती असावी

४५-५० वर्षे वयाच्या मधुमेही रुग्णांसाठी, त्यांची फास्टिंग शुगर ९० ते १३० mg/dL असावी. जेवणानंतर साखरेची पातळी १४० mg/dl पेक्षा कमी असावी. रात्रीच्या जेवणानंतर १५० mg/dl ची पातळी सामान्य मानली जाते. जर ४५-५९ व्या वर्षी साखरेची पातळी ३०० च्या पुढे गेली तर ती तुमच्यासाठी समस्या बनू शकते.

( हे ही वाचा: थकवा, मळमळ या लक्षणांचा आहे थेट हृदयाशी संबंध; ‘या’ गोष्टी ठरू शकतात हार्ट अटॅकसाठी कारणीभूत, जाणून घ्या)

रक्तातील साखर कशी कमी करावी

रक्तातील साखरेचे प्रमाण जास्त असणे याला हायपरग्लायसेमिया म्हणतात. त्यावर वेळीच नियंत्रण ठेवणे अत्यंत गरजेचे आहे. जर रक्तात साखरेचे प्रमाण सामान्यपेक्षा जास्त असेल तर लगेच जीवनशैलीत बदल करा. कोणताही ताण घेऊ नका. भरपूर व्यायाम करा, खूप चाला, घरातील छोटी-मोठी कामे स्वतः करा. साखर, अति मीठ, कोल्ड्रिंक्स, मिठाई खाण्यावर बंदी. जास्त कर्बोदके असलेले पदार्थ खाऊ नका. सकस अन्न खा. जेवणात रोज सॅलड घ्या. जास्त वेळ उपाशी राहू नका. प्रक्रिया केलेले अन्न अजिबात खाऊ नका. आहारात शक्यतो हिरव्या पालेभाज्या खात जा. अधिकाधिक फळे खा.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
युरीन इन्फेक्शन कमी करण्यात मदत करू शकतो ‘हा’ फळ, इतरही समस्यांमध्ये लाभदायी

संबंधित बातम्या

हिवाळ्यात सांधेदुखीच्या वेदनेने हैराण आहात? आहारामध्ये ‘या’ पदार्थांचा समावेश ठरेल रामबाण उपाय
हृदय विकार आणि तुमचे मेटाबॉलिजम सुधारेल ​’हे’ औषधी गुणधर्म; जाणून घ्या अन्य आरोग्यदायी लाभ
कमी वयात दाढी पांढरी होण्यामागे ‘ही’ आहेत कारणे, जाणून घ्या उपाय
युरिक ऍसिडच्या त्रासात लिंबासह ‘या’ पदार्थांचे सेवन ठरते रामबाण उपाय; हृदय व किडनी आजारांपासून राहा लांब
Navratri Navami 2021 Puja Vidhi, Muhurat, Timings, Mantra: महानवमीचा शुभ मुहूर्त, हवन, पूजन विधि, कथा, आरती जाणून घ्या सर्वकाही

व्हिडिओ

ताज्या बातम्या
“नट विस्मरणात जातो पण…” विक्रम गोखले यांच्या निधनानंतर अभिनेत्रीने शेअर केला ‘नटसम्राट’मधील व्हिडीओ
राज्यात थंडीच्या हंगामातील उकाडा; मोठ्या पावसाची शक्यता नाही
‘महाभारत’मध्ये दुर्योधनाची भूमिका साकारणाऱ्या अभिनेत्याला १३ लाखांचा गंडा; आरोपी पोलिसांच्या ताब्यात
घरात घोंगावणाऱ्या माश्यांमुळे त्रासलात? करा ‘हे’ उपाय, घरापासून दूर ठेवण्यासाठी करू शकतात मदत
‘मैं नही तो कौन बे’, आरशात स्वतःला पाहून माकडाने सुरु केलं भांडण अन् पुढं जे झालं…