Dry Fruits For Kids: प्रत्येक पालकाला मुलांच्या आरोग्याची काळजी असते. आपल्या मुलांचा सर्वांगीण विकास योग्य पद्धतीने व्हावा, अशी पालकांची इच्छा असते, त्यामुळे ते आपल्या पोषणामध्ये कोणतीही कमतरता ठेवत नाहीत, परंतु मुले निरागस असतात, त्यांच्यासाठी कोणते अन्न योग्य आहे आणि कोणते नाही हे त्यांना अनेकदा समजत नाही. सुका मेवा मुलांसह सर्व वयोगटातील लोकांसाठी फायदेशीर आहे हे आपल्या सर्वांना माहिती आहे. सुक्या मेव्यांचा आणि नट्सचा मुलांच्या आहारात समावेश करणे आवश्यक आहे.
सुका मेवा आणि नट हे मुलांच्या आरोग्यासाठी खूप महत्वाचे आहेत. मुलांना ड्रायफ्रूट्स खायला दिल्यास रोगप्रतिकारशक्ती आणि मेंदू मजबूत होतो. यामुळे शरीरात झिंक, मॅग्नेशियम आणि जीवनसत्त्वांची कमतरता होत नाही. अनेक मुले ते खात नाहीत, आणि गोंधळ घालू लागतात. मात्र मुलांना खायला घालण्यासाठी तुम्ही कोणती स्मार्ट पद्धती वापरू शकता ते आज आम्ही तुम्हाला सांगणार आहोत.
बदाम दूध
तुम्ही मुलांना गाय किंवा म्हशीचे दूध देत असाल, पण तुमच्या मुलाला थेट बदाम खायला आवडणार नाही. अशा वेळी तुम्ही त्यांना बदामाचे दूध देऊ शकता. यासाठी बदाम पावडरच्या स्वरूपात दुधात मिसळावे. हे खूप चवदार लागते आणि मुलांना देखील ते खूप आवडते.
ड्रायफ्रुट्स नट्स बार
बहुतेक मुलांना थेट ड्रायफ्रुट्स खायचे नसतात, अशा वेळी तुम्ही ड्रायफ्रुट्स नट्स बार तयार करून देऊ शकता. यासाठी बदाम, बेदाणे, काजू आणि पिस्ता मिक्सर ग्राइंडरमध्ये बारीक करून घ्या, नंतर त्यात ड्रायफ्रुट्सचे छोटे तुकडे, ओट्स पावडर आणि मध घालून पीठ बनवा. आता ते एका प्लेटमध्ये काढून तुमच्या आवडत्या स्टाईलमध्ये कापून सर्व्ह करा.
हेही वाचा – चुरगळलेले कपडे आता इस्त्रीशिवाय दिसतील कडक; यासाठी करा ‘हे’ ४ सोपे घरगुती उपाय
ड्रायफ्रुट्स नट्स चाट
ड्रायफ्रुट्स नट्स चाट खूप चवदार आणि मसालेदार आहे, त्यामुळे तुमच्या मुलांना खूप आवडेल अशी अपेक्षा आहे. यासाठी बदाम, शेंगदाणे, पिस्ते यांचे छोटे तुकडे करून एका भांड्यात घ्या आणि मखना आणि पुफलेला भात घालून मिक्स करा. चवीनुसार तुम्ही त्यात काळे मीठ, लिंबाचा रस, चाट मसाला आणि जिरे पावडर टाकू शकता.
ओट्स मध्ये मिक्स करा
लहान मुले अनेकदा सुका मेवा खाण्यास नको म्हणतात, अशावेळी तुम्ही बदाम, अक्रोड, काजू आणि मनुका बारीक करून ओट्समध्ये मिसळून खाऊ शकता. ही एक अतिशय आरोग्यदायी पद्धत आहे.