महिलांनी आठवड्यातून किती दिवस आणि कोणते व्यायाम करावेत? जाणून घ्या तज्ज्ञांचा सल्ला

तुम्हाला निरोगी व्हायचे आहे, वजन कमी करायचे आहे की वाढवायचे आहे हे सर्वप्रथम तुम्हाला ठरवायचे आहे. तुमच्या व्यायामाचे प्रकार यावरच अवलंबून असतील. अमेरिकन हेल्थ डिपार्टमेंट दर आठवड्याला किमान १५० मिनिटे म्हणजे २ तास ३० मिनिटे व्यायाम किंवा कोणतीही शारीरिक क्रिया करण्याची शिफारस करते.

किती व्यायाम करावा?

तुम्हाला वजन कमी करायचे असेल तर आठवड्यातून तीन-चार दिवस व्यायाम करा. हे लवचिकतादेखील प्रदान करते आणि आपण वर्कआउटसाठीदेखील तयार होतो. बऱ्याच प्रकरणांमध्ये वजन कमी करण्यासाठी आपल्याला आहारातही बदल करावे लागतात. वजन कमी करण्यासाठी फक्त जिममध्ये जाऊन वेट ट्रेनिंग करणं गरजेचं नाही, तर शारीरिकदृष्ट्या सक्रिय राहणंही महत्त्वाचं आहे. यासाठी तुम्ही फिरू शकता, कोणतेही मैदानी खेळ खेळू शकता; जेणेकरून जास्त कॅलरी कमी होऊ शकतील.

वजन कमी करण्याच्या बाबतीत तुम्हाला पाहिजे तेवढा व्यायाम करता येईल, पण त्याचबरोबर आहाराची काळजी घेणे आवश्यक आहे. जर तुम्ही चुकीचे पदार्थ खात असाल तर तुमच्या कॅलरीज बर्न होतात. पण, जर तुम्ही कमी प्रमाणात आहार घेत असाल आणि वजन कमी करण्यासाठी जास्त वर्कआउट करत असाल तर त्यामुळे तुमची एनर्जी कमी होऊ शकते. त्यामुळे नेहमी कॅलरी, जीवनसत्त्वे आणि खनिजे लक्षात घेऊन व्यायाम करा.

हेही वाचा >> Healthy sleep: तुम्हीही रात्री १ वाजता झोपता का? डॉक्टरांनी सांगितले गंभीर परिणाम

कोणता व्यायाम करायचा?

कार्डिओला एरोबिक व्यायाम केल्यानं तुमच्या हृदयाची गती वाढते. यामध्ये पोहणे, उच्च तीव्रतेचा व्यायाम, किक बॉक्सिंग इत्यादींचा समावेश आहे. अमेरिकन हार्ट असोसिएशनच्या मते, दर आठवड्याला १५० मिनिटांचा मध्यम तीव्रतेचा व्यायाम किंवा ७५ मिनिटांचा उच्च तीव्रतेचा व्यायाम केला पाहिजे. ज्यांना स्नायू बळकट करायचे आहेत आणि स्नायू वाढवायचे आहेत, त्यांनी आठवड्यातून ३० ते ६० मिनिटे तीन सत्रांत व्यायाम करावा.