Eknath Shinde commented on dasara melava shivaji park venue and high court verdict on it | Loksatta

“…तर शिवाजी पार्क मिळालं असतं” दसरा मेळाव्यावरुन एकनाथ शिंदेंचं विधान; म्हणाले “वैरभावनेने मी…”

शिंदे गटातील नेत्यांची शिवाजी पार्कवर दसरा मेळावा व्हावा, अशी इच्छा होती. त्यामुळेच शिंदे गटाकडून यासाठी मागणी करण्यात आल्याचे एकनाथ शिंदे यांनी म्हटले आहे

“…तर शिवाजी पार्क मिळालं असतं” दसरा मेळाव्यावरुन एकनाथ शिंदेंचं विधान; म्हणाले “वैरभावनेने मी…”
( संग्रहित छायचित्र )

शिवसेनेचा ऐतिहासिक दसरा मेळावा शिवाजी पार्कवर उद्धव ठाकरे घेणार की शिंदे गट या वादावर उच्च न्यायालयाच्या निर्णयानंतर पडदा पडला आहे. शिवाजी पार्कवरील या मेळाव्यासाठी ठाकरे आणि शिंदे गटामध्ये मोठी रस्सीखेच पाहायला मिळाली होती. यावर मुख्यमंत्री एकनाथ शिंदे यांनी भाष्य केलं आहे. या प्रकरणात मुख्यमंत्री म्हणून मी कुठलाही हस्तक्षेप केला नाही. हस्तक्षेप केला असता तर शिवाजी पार्क मिळालंही असतं, असे एकनाथ शिंदे म्हणाले आहे. दसरा मेळाव्यासंदर्भातील उच्च न्यायालयाच्या निर्णयाचा आदर करत असल्याचेही मुख्यमंत्र्यांनी स्पष्ट केले.

दसरा मेळावा : “उद्धव ठाकरेंची सभा म्हणजे टोमणे सभाच असणार, अशाने महाराष्ट्राचं…” ; बावनकुळेंचं विधान!

मुख्यमंत्री असल्याने राज्यातील कायदा सुव्यवस्था राखण्याची माझीही जबाबदारी आहे. त्यामुळे वैरभावनेने शिवाजी पार्कसाठी हट्ट धरला नाही, असे शिंदे यांनी म्हटले आहे. शिंदे गटातील नेते, पदाधिकारी आणि कार्यकर्त्यांची शिवाजी पार्कवर दसरा मेळावा व्हावा, अशी इच्छा होती. त्यामुळेच शिंदे गटातून शिवाजी पार्कवर दसरा मेळावा घेण्याची मागणी करण्यात आल्याचे एकनाथ शिंदे यांनी सांगितले. दरम्यान, आज मुख्यमंत्र्यांनी बीकेसी मैदानावर पाहणी केली. याच मैदानावर शिंदे गटाचा दसरा मेळावा होणार आहे.

दोन्ही गटांकडून दसरा मेळाव्याची जय्यत तयारी

दरम्यान, दसरा मेळाव्यात उद्धव ठाकरे आणि एकनाथ शिंदे काय बोलतील याकडे महाराष्ट्राचे लक्ष लागले असताना त्याआधीच राजकीय वर्तुळातून यावर प्रतिक्रिया उमटत आहेत. भाजपाचे प्रदेशाध्यक्ष चंद्रशेखर बावनकुळे यांनी उद्धव ठाकरेंच्या दसरा मेळाव्याच्या सभेला टोमणे सभा म्हटलं आहे. “उद्धव ठाकरे यांची जी सभा होणार आहे किंवा यापूर्वी ज्या सभा झाल्या आहेत, त्या टोमणे सभा होत्या. त्यामध्ये कधी ते महाराष्ट्राच्या हिताचं काहीच बोलले नाहीत,” असा टोला बावनकुळे यांनी लगावला आहे. महाराष्ट्राच्या राजकारणात त्यांना अडीच वर्ष मुख्यमंत्री म्हणून संधी मिळाली होती. महाराष्ट्राला क्रमांक एकवर नेण्यासाठी जे करायला हवं होतं, ते त्यांनी केलं नसल्याचा आरोप बावनकुळे यांनी केला आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“सीएम शिंदेंना धमकी देणारे कोण आहेत? हे…” विनायक राऊतांची अमित शाहांकडे चौकशीची मागणी

संबंधित बातम्या

VIDEO: राऊतांना प्रत्युत्तर देताना संजय गायकवाडांची जीभ घसरली, शिवी देत म्हणाले, “*** तू यापुढे…”
“बाबासाहेब पुरंदरेंच्या विकृत व अनैतिहासिक मांडणीवर…”, राज ठाकरेंच्या भेटीनंतर जयसिंगराव पवारांचा मोठा खुलासा
“सुषमा अंधारेंच्या मेंदुला…” राज ठाकरेंवरील टीकेला प्रत्युत्तर देताना मनसे नेत्याची जीभ घसरली!
“आपल्याकडील इतिहास मराठ्यांनी किंवा ब्राह्मणांनी…”, राज ठाकरेंचं मोठं विधान
“शिवरायांच्या प्रेमाचे स्वार्थी उमाळे येणाऱ्या शरद पवारांनी…”, शिंदे गटाचा खोचक टोला; कवितेतून ठाकरे गटालाही केलं लक्ष्य!

व्हिडिओ

ताज्या बातम्या
Viral Video: 114 kmph वेगानं दुचाकी चालवणाऱ्या दोन तरुणांचा मृत्यू, दुभाजकाला धडक दिल्याचा थरार कॅमेरात झाला कैद
धोनीनंतर चेन्नई सुपर किंग्सचा उत्तराधिकारी कोण असू शकतो? यावर सीएसकेच्या प्रशिक्षकांनी केला खुलासा
ओला, उबरच्या धर्तीवर बेस्टची टॅक्सी सेवा; पुढील सहा महिन्यांत ५०० टॅक्सी बेस्टच्या ताफ्यात दाखल होणार
मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या
“दोघांनी छेडलं आणि दोघांनी वाचवलं”, मुंबईत विनयभंग झालेल्या कोरियन तरुणीने घेतली ‘Indian Heroes’ची भेट