सावंतवाडी : मालवण राजकोट किल्ल्यावरील शिव पुतळा कोसळल्या प्रकरणी न्यायालयीन कोठडीमध्ये असलेला संशयीत बांधकाम सल्लागार डॉ. चेतन पाटील याचा जिल्हा न्यायालयाने जामीन अर्ज फेटाळला आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

नौदल दिनानिमित्त मालवण राजकोट किल्ल्यावर छत्रपती शिवाजी महाराज यांचा पुतळा उभारण्यात आला होता. तो दि. २६ ऑगस्ट रोजी कोसळला. या नंतर शिवप्रेमींमध्ये संतापाची लाट उसळली आहे. दरम्यान सार्वजनिक बांधकाम सहाय्यक अभियंता अजित पाटील यांनी मालवण पोलीस ठाण्यात शिव पुतळा शिल्पकार जयदीप आपटे आणि बांधकाम सल्लागार डॉ. चेतन पाटील यांच्या विरोधात तक्रार दाखल केली. त्यानंतर डॉ. चेतन पाटील याला कोल्हापूर येथून अटक करण्यात आली होती. तो सध्या न्यायालयीन कोठडीमध्ये आहे.

हेही वाचा – Navneet Rana : नवनीत राणांचा यशोमती ठाकूर यांना इशारा; म्हणाल्या, “तुम्हाला धडा शिकवल्याशिवाय…”

हेही वाचा – Aaditya Thackeray: “मंत्रीपदाचं चॉकलेट दाखवून…”, आदित्य ठाकरेंची शिंदे गटावर खोचक टीका, भरत गोगावलेंचे मीम्स व्हायरल

जिल्हा न्यायालयात जामिनासाठी डॉ. चेतन पाटील यांने आपल्या वकिलामार्फत अर्ज दाखल केला होता. त्याच्यावर सुनावणी झाली. आज प्रमुख जिल्हा न्यायाधीश एच.डी गायकवाड यांनी जामीन नाकारत अर्ज फेटाळला. सरकारी पक्षाच्या वतीने अतिरिक्त जिल्हा सरकारी वकील गजानन तोडकरी, रुपेश देसाई यांनी युक्तिवाद केला.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Sindhudurg court rejected bail application of chetan patil in shivaji maharaj statue collapse case ssb