“मनसेच्या कार्यकर्त्याकडून मला जीवे मारण्याची धमकी”, ऑडियो क्लिप शेअर करत वसंत मोरेंचा गंभीर आरोप; म्हणाले, “मी पुन्हा…”

वसंत मोरे नेमकं काय म्हणाले?

वसंत मोरे यांनी एक्स या समाज माध्यमावर पोस्ट शेअर करत यासंदर्भात माहिती दिली आहे. मी पुन्हा माझ्या जुन्या पक्षात गेलो, तर असा कोणता गुन्हा केला की मनसेचे कार्यकर्ते माझा खून करण्यापर्यंत गेले? असं वसंत मोरे म्हणाले. तसेच याप्रकरणी संबंधितांवर गुन्हे दाखल करण्यासाठी मागणी करत भारती विद्यापीठ पोलीस ठाण्यात तक्रार दाखल केल्याचेही वसंत मोरे यांनी सांगितले.

हेही वाचा – “वाघनखांवर आक्षेप म्हणजे, शिवरायांच्या शौर्याचा अपमान”; मुख्यमंत्री शिंदेंचा विरोधकांवर हल्लाबोल; म्हणाले, “काही लोक…”

वसंत मोरेंनी शेअर केलेल्या संभाषणात काय?

वसंत मोरेंनी शेअर केलेलं संभाषण हे मनसे कार्यकर्ता आणि वसंत मोरे यांचा भाचा प्रतिक कोडितकर यांच्यातील असल्याचे सांगितलं जात आहे. या संभाषणानुसार, मनसे कार्यकर्ता वसंत मोरेंना या महिन्यात मारण्याची धमकी देताना दिसून येत आहे.

हेही वाचा – “काही लोकांच्या बुद्धीवर बुरशी चढली आहे, त्यांच्या…”; देवेंद्र फडणवीसांचं विरोधकांवर टीकास्र!

वसंत मोरे माजी मनसे सैनिक

कट्टर मनसैनिक अशी वसंत मोरेंची ओळख होती. ते राज ठाकरेंच्या विश्वासू नेत्यांच्या पैकी एक होते. मात्र, राज ठाकरे यांनी गुढीपाडव्याच्या मेळाव्यात मशिदीबाबत घेतलेल्या भूमिकेनंतर वसंत मोरेंनी नाराजी व्यक्त केली होती. त्यानंतर मनसेच्या शहराध्यक्ष पदावरून त्यांची हकालपट्टी करण्यात आली. पक्षाच्या या कारवाईनंतरच ते नाराज असल्याचं सांगितले जात होते. त्यानंतर त्यांनी मनसेला सोडचिट्ठी देत वंचित बहुजन आघाडीच्या तिकीटावर लोकसभा निवडणूक लढवली. मात्र, या निडणुकीत त्याचा पराभव झाला झाला. काही दिवसांपूर्वीच त्यांनी ठाकरे गटात प्रवेश केला होता.