“धनंजय मुंडे यांचं राजकारण संपवण्याची जबाबदारी सुरेश धस यांना कोणी दिली?” अमोल मिटकरींचा सवाल

“गेल्या काही दिवसांपासून महाराष्ट्राचे आमदार धनंजय मुंडे यांना टार्गेट करण्याचा प्रयत्न बीडमधील राजकीय लोक करत आहेत. अमोल दुबेप्रकरणात तोंडघशी पडलेले सुरेश धस महायुतीचे आमदार आहेत. पंकजा मुंडे आणि धनंजय मुंडे एकत्र आल्याचा पोटशुळ त्यांना सुटला आहे. आमचं म्हणणं आहे की मस्साजोगचे सरपंच संतोष देशमुख यांची हत्या निंदनीय आहे. त्याचं समर्थन कोणी करू शकत नाही. त्याला फासावर लटकवलं गेलं पाहिजे. या भूमिकेचं आम्ही स्वागत केलं आहे. पण सुरेश धस यांना मंत्रिमंडळात स्थान मिळालं नाही या आसुयेपोटी ते राजकारण करत आहेत. त्यांच्यासारख्या मोठ्या नेत्यांना हे शोभत नाही. महायुतीचे ते घटक आहेत. सामाजिक कार्यकर्ते म्हणून ते पुढे आले आहेत. संजय राऊतांना पुढे आणलं गेलंय”, असा आरोप अमोल मिटकरी यांनी केला आहे.

हेही वाचा >> Suresh Dhas: “प्राजक्ताताई माळीही परळीत येतात…”, परळी पॅटर्नचा उल्लेख करत सुरेश धस यांची धनंजय मुंडेंवर टीका

हमाम में सब….

u

“जाणीवपूर्वक एकाच व्यक्तीचं राजकारण संपवण्याची जबाबदारी सुरेश धस यांना कोणी दिली आणि त्यांनी का घेतली हे समोर आलं पाहिजे. मस्साजोगप्रकरणी लक्षविचलीत करायला आणि त्यामागचे काळे कारनामे करायला सर्वांनी एकत्र राजकारण करायला सुरुवात केली आहे का हे तपासलं पाहिजे. हमाम में सब नगें होते है सुरेश साहेब. त्यामुळे त्या कुटुंबाला न्याय देण्यापेक्षा तुम्ही स्वार्थी राजकारण करत आहात, बीडच्या जनतेला आणि महाराष्ट्राला हे कळून चुकलंय”, असंही अमोल मिटकरी म्हणाले.