अभिनेत्री नीना गुप्ता यांची चित्रपटातील सेकंड इनिंग ही जोरदार सुरू आहे. ‘बधाई हो’ या चित्रपटाच्या घवघवीत यशानंतर नीना गुप्ता या बऱ्याच चित्रपटात झळकल्या. त्यांच्या अभिनयाचीसुद्धा चांगलीच प्रशंसा झाली. नीना गुप्ता यांच्या भूमिका लोकांच्या पसंतीस उतरल्या. नुकतंच त्यांनी अमिताभ बच्चन यांच्याबरोबर ‘उंचाई’ चित्रपटात महत्त्वाची भूमिका साकारली.
नीना गुप्ता अनेकवर्ष चित्रपटसृष्टीत कार्यरत आहेत. बॉलिवूडमधील एक ज्येष्ठ अभिनेत्री म्हणून त्यांच्याकडे पहिले जाते. आज या वयात ही त्यांची ऊर्जा एखाद्या तरुणीला लाजवेल अशी आहे. नुकताच त्यांचा वर्कआउटचा व्हिडीओ सोशल मीडियावर व्हायरल होत आहे. ज्यात त्या पुशअप्स हा वर्कआउटचा प्रकार करत आहेत. प्रशिक्षकाची मदत घेत त्या व्यायाम करताना दिसून येत आहेत. या व्हिडीओवर त्यांनी कॅप्शन दिला आहे, “नुकतीच सुरवात केली आहे म्हणून शो ऑफ करत आहे.”
नीना गुप्ता यांच्या वर्कआउट व्हिडीओ सध्या व्हायरल होत आहे. नेटकऱ्यांनी या व्हिडीओला पसंती दर्शवली असून त्यांचे कौतूक करत आहेत. वाह, कमाल, टाळी वाजवणारे इमोजीस अशा भरभरून कमेंट्स नेटकरी करत आहेत. आजकाल सगळेच कलाकार आपल्या फिटनेसच्या बाबतीत जागरूक झाले आहेत,