प्रसिद्ध अभिनेत्रीने केले Eggs Freeze! म्हणाली, “या प्रक्रियेदरम्यान तुमच्या शरीरात…”

Latest Manoranjan News Updates 27 May 2025: अभिनेत्री आकांक्षा पुरीने तिच्या वैयक्तिक आयुष्याबद्दल एक मोठी माहिती शेअर केली आहे. ३६ वर्षीय आकांक्षाने काही वर्षांपूर्वी बीजांड गोठवून घेतले. “मी बीजांड गोठवण्याचा (Eggs Freeze) निर्णय घेतला आणि ते केले, पण काही मुलींना याबद्दल कल्पनाच नाही,” असं आकांक्षा म्हणाली.

ती पुढे म्हणाली, “बीजांड गोठवण्याच्या प्रक्रियेदरम्यान तुमच्या शरीरात अनेक बदल होतात. तुमची एक एएमएच पातळी असते, ज्यामुळे शरीरात बीजांड तयार होण्याचं प्रमाण कमी होतं, त्यानंतर तुमचे शरीर अशा टप्प्यावर पोहोचते जिथे ते तयार होणे थांबते. आता आपण अशा युगात आहोत जिथे बीजांड गोठवता येते, त्यामुळे मी ही प्रक्रिया करून घेतली. आणि मी त्याबद्दल आता उघडपणे बोलते.”

आकांक्षा म्हणाली, “जर मला भविष्यात आई व्हायचं असेल तर मी तयार असेन. मी ते करू शकत नाही असं नसेल. जर मला सिंगल मदर व्हायचं असेल तर तो पर्यायही माझ्यासाठी खुला असेल. आता मला कोणाचीही गरज नाही. मला कोणाची साथ लाभली नाही तर हरकत नाही, मी एकटीच बाळाला जन्म देऊ शकते.” या निर्णयासाठी आईने पाठिंबा दिल्याचंही आकांक्षाने सांगितलं.