बॉलिवूड अभिनेता व सलमान खानचा भाऊ अरबाज खानने २४ डिसेंबर २०२३ रोजी दुसरं लग्न केलं. त्याने मेकअप आर्टिस्ट शुरा खानशी बहीण अर्पिता खानच्या घरी निकाह केला. त्याच्या लग्नाला सलमान खान, सोहेल खान, वडील सलीम खान, आई सलमा व हेलन यांच्यासह त्याचा मुलगा अरहानदेखील उपस्थित होता. अरबाजच्या या लग्नाची सोशल मीडियावर आणि इंडस्ट्रीमध्ये जोरदार चर्चा झाली.
बऱ्याच लोकांनी अरबाजच्या लग्नावर टीका केली तर काहींनी त्याचं कौतुकही केलं. अरबाजच्या घरच्यांनीही त्याच्या या निर्णयात त्याला पाठिंबा दिला. नुकतंच या जोडप्याने त्यांचा एक फोटो सोशल मीडियावर शेअर केला आहे ज्याची सर्वत्र चर्चा होताना दिसत आहे. या फोटोमध्ये अरबाज आणि शुरा हे एकमेकांच्या खूप जवळ आहेत अन् या क्लोज अप शॉटमध्ये ते एकमेकांकडे अत्यंत प्रेमाने बघत आहेत.
आणखी वाचा : गाजलेल्या शाहबानो खटल्यावर लवकरच येणार चित्रपट; ‘द फॅमिली मॅन’ सीरिजच्या लेखकाकडून मोठी घोषणा
सोशल मीडियावर या क्युट कपलच्या फोटोची जबरदस्त चर्चा आहे. बरीच लोक या फोटोवर कॉमेंट करत हे दोघे एकमेकांच्या किती प्रेमात आहेत याचे दाखले देत आहेत. तर दुसरीकडे काहींनी अरबाजला यावरुण ट्रोल करायला सुरुवात केली आहे. एका युझरने कॉमेंटमध्ये लिहिलं की, “तुम्ही वडील आणि मुलीची जोडी वाटत आहात.” तर दुसऱ्या युझरने लिहिलं की, “सलमान घरात कोपऱ्यात बसून रडत असेल.” तर आणखी एक युझर म्हणतो, “ह्याला म्हातारचळ लागलं आहे.”
सोशल मीडियावर अरबाज आणि शुराचा रोमॅंटिक अंदाज चांगलाच चर्चेत आहे. अरबाज खानने त्याच्यापेक्षा २५ वर्षांनी लहान असलेल्या शुरा खानशी दुसरं लग्न केलं. अरबाजचं पहिलं लग्न मलायका अरोराशी झालं होतं. १९ वर्षांच्या संसारानंतर त्यांनी सहा वर्षांपूर्वी घटस्फोट घेतला आणि त्यांना अरहान नावाचा मुलगा आहे. घटस्फोटानंतर मलायका अरोरा अर्जुन कपूरबरोबर रिलेशनशिपमध्ये आहे. तर अरबाज हा त्याच्या दुसऱ्या लग्नानंतर संसारात रमल्याचं या फोटोवरुन स्पष्ट होत आहे.