‘महापरिनिर्वाण’ ६ डिसेंबरला प्रदर्शित होणार

डॉ. बाबासाहेब आंबेडकरांच्या महापरिनिर्वाणदिनी घडलेल्या गुंतागुंतीच्या भावना व घटनांचा उलगडा करणाऱ्या नामदेवराव व्हटकर यांची भूमिका प्रसाद ओक यांनी चित्रपटात साकारली असून अंजली पाटील, कमलेश सावंत, गौरव मोरे हे कलाकारही या चित्रपटात झळकणार आहेत. मात्र डॉ. बाबासाहेब आंबेडकर यांची भूमिका कोण साकारणार? हे सध्या तरी गुपित आहे. कल्याणी पिक्चर्स प्रस्तुत, अभिता फिल्म निर्मित या चित्रपटाचे दिग्दर्शन शैलेंद्र बागडे यांनी, तर अमर कांबळे यांनी चित्रपटाचे छायाचित्रण केले असून लेखन चेतक घेगडमल यांनी केले आहे. चित्रपटाबद्दल निर्माते सुनील शेळके म्हणाले, डॉ. बाबासाहेब आंबेडकर यांच्या महापरिनिर्वाणदिनी आम्ही हा चित्रपट प्रेक्षकांच्या भेटीला आणत आहोत. एक कथा दोन इतिहास’ असे या चित्रपटाचे घोषवाक्य आहे. असंख्य जनसागर त्यांचे अखेरचे दर्शन घेण्यासाठी त्यावेळी लोटला होता. यादरम्यान कोणत्या विशेष घटना घडल्या, कोण कोण उपस्थित होते, अशा अनेक गोष्टी ज्या अनेकांना माहिती नाहीत, त्या विस्तृतपणे या चित्रपटात दाखवण्यात येणार आहेत. अवघी मुंबापुरी त्यावेळी थांबली होती. हा मन सुन्न करणारा प्रसंग आपण नामदेवराव व्हटकर यांच्या नजरेतून पाहणार आहोत.’