बॉलिवूड अभिनेत्री माधुरी दीक्षित ही लोकप्रिय अभिनेत्रींपैकी एक आहे. माधुरी सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत माधुरी तिच्या चाहत्यांच्या संपर्कात राहते. नुकताच माधुरीने सोशल मीडियावर एक व्हिडीओ शेअर केला आहे. हा व्हिडीओ तिचानसून तिच्या मुलाचा आहे.
माधुरीने तिच्या इन्स्टाग्राम अकाऊंटवरून शेअर केला आहे. या व्हिडीओत माधुरीचा लहान मुलगा रियान आहे. या व्हिडीओत रियान त्याचे केस कापताना दिसत आहे. हा व्हिडीओ शेअर करत “सगळे हीरो टोपी घालत नाहीत…पण माझा हीरो घालतो. राष्ट्रीय कर्करोग दिनानिमित्त, मला खरोखर काही तरी खास सांगायच आहे”, असे माधुरी म्हणाली.
आणखी वाचा : फोटो बच्चन कुटुंबाचा पण चर्चा मात्र भिंतीवरच्या पेंटिंगची, किंमत ऐकलीत का?
पुढे माधुरी म्हणाली, “जेव्हा रियानने कर्करोग ग्रस्त लोकांना पाहिले तेव्हा त्याला वाईट वाटले. कारण केमोमधून जाताना त्या लोकांचे केस गळतात. माझ्या मुलाने त्याचे केस हे कर्करोग सोसायटीला दान करण्याचा निर्णय घेतला. आई-वडिलांच्या नात्याने त्याच्या या निर्णयाने आम्हाला आनंद झाला.”
रियानने जवळपास २ वर्ष केस कापले नाही कारण त्याला कर्करोगाने ग्रस्त असलेल्या लोकांना मदत करायची होती. याविषयी सांगताना माधुरी म्हणाली, “मार्गदर्शक तत्त्वांनुसार, केसांची आवश्यक लांबी वाढण्यासाठी त्याला जवळजवळ २ वर्षे लागली आणि हा शेवटचा टप्पा होता. आज मला त्याच्या अभिमान आहे.”