बॉलिवूड अभिनेत्री मलायका अरोरा ही सध्या चित्रपटसृष्टीत सक्रिय नसली तरी देखील कोणत्या ना कोणत्या कारणामुळे सोशल मीडियावर चर्चेत असते. मलायकाचे लाखो चाहते आहेत. मलायका सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात राहते. नुकताच मलायकाचा एक व्हिडीओ सोशल मीडियावर व्हायरल झाला होता. हा व्हिडीओत मलायकाने परिधान केलेल्या कपड्यांची किंमत ऐकूण तुम्हाला नक्कीच आश्चर्य वाटेल.
मलायकाने हे कपडे करीना कपूरच्या घरी असलेल्या ख्रिसमस पार्टीत परिधान केले होते. मलायकाने तिच्या या मखमली ड्रेसला Gucci मधून घेतले आहेत. या ओपन श्रगची ऑनलाइन किंमत ही १ लाख ४८ हजार २७६ रुपये आहे. तर तिच्या शॉट्सची किंमत ९७ हजार ३५३ रुपये आहे. या दोघांची एकत्र किंमत ही २ लाख ४५ हजार रुपये आहे.
आणखी वाचा : घटस्फोटानंतर समांथा आणि नागा चैतन्य पहिल्यांदाच आले समोरा-समोर अन्…
तर मलायकाने तिच्या आऊटफिटसोबत हिरव्या रंगाची पर्स सुद्धा घेतली आहे. मलायकाची ही पर्स Judith Leiber या ब्रॅंडची आहे. या पर्सची किंमत ही १६९५ डॉलर म्हणजेच १ लाख २६ हजार ९३३ रुपये आहे. याचाच अर्थ मलायकाच्या या लूकची किंमत ही जवळपास ३ लाख ७० हजार आहे. मलायकाच्या या ड्रेसची चर्चा सोशल मीडियावर सुरु आहे.