Entertainment News Updates: ‘सितारे जमीन पर’ने वसूल केले बजेट, एका आठवड्याचे कलेक्शन ‘इतके’ कोटी

Sitaare Zameen Par Box Office Collection Day 7 : आमिर खानच्या ‘सितारे जमीन पर’ या चित्रपटाने थिएटरमध्ये धुमाकूळ घातला आहे. या चित्रपटाला प्रेक्षकांचा उत्तम प्रतिसाद मिळत आहे. हा चित्रपट दररोज कोट्यवधी रुपयांची कमाई करत आहे. सातव्या दिवशी या चित्रपटाने चांगली कमाई केली आहे. या चित्रपटाचे एका आठवड्याचे कलेक्शन किती? ते जाणून घेऊयात.

मिस्टर परफेक्शनिस्ट आमिर खानचा बहुप्रतिक्षीत ‘सितारे जमीन पर’ हा चित्रपट २० जून २०२५ रोजी रिलीज झाला. ‘लाल सिंग चड्ढा’च्या रिलीजनंतर आमिरने ब्रेक घेतला होता. तीन वर्षांनंतर आमिर पुन्हा मोठ्या पडद्यावर परतला आहे. आमिर खान व जिनिलिया देशमुख मुख्य भूमिकेत असलेल्या ‘सितारे जमीन पर’ला समीक्षक आणि प्रेक्षकांकडून सकारात्मक प्रतिसाद मिळाला आहे. चित्रपटाने बॉक्स ऑफिसवर चांगली सुरुवात केली आहे.

इंडस्ट्री ट्रॅकर सॅकनिल्कच्या आकडेवारीनुसार, ८० कोटी रुपयांचे बजेट असलेल्या ‘सितारे जमीन पर’ने पहिल्या दिवशी १०.७ कोटी, दुसऱ्या दिवशी २०.२ कोटी, तिसऱ्या दिवशी २७.२५ कोटी, चौथ्या दिवशी ८.५ कोटी, पाचव्या दिवशी ८.५ कोटी, सहाव्या दिवशी ७.२५ कोटी, सातव्या दिवशी ६.२९ कोटी रुपयांचे कलेक्शन केले. या चित्रपटाचे एका आठवड्याचे एकूण कलेक्शन ८८.७० कोटी रुपये झाले आहे.