भारतातील सर्वश्रेष्ठ दिग्दर्शक म्हणून ओळखले जाणारे एसएस राजामौली यांनी एका नव्या चित्रपटाची घोषणा केली आहे. ‘बाहुबली’ आणि ‘आरआरआर’ सारख्या ब्लॉकबस्टर चित्रपटानंतर एसएस राजामौलींनी भारतीय चित्रपटसृष्टीचे जनक दादासाहेब फाळके यांच्यावरील बायोपिकची घोषणा केली आहे. त्यामुळे सध्या या बायोपिकची चर्चा सुरू आहे.

या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा – सुबोध भावेच्या मुलांनी बाप्पासाठी केला आकर्षक ‘चांद्रयान ३’चा देखावा; पाहा फोटो

ट्वीटरवर (X) एसएस राजामौली यांनी नव्या चित्रपटाची घोषणा करत एक टीझर शेअर केला आहे. आणि लिहीलं आहे की, “जेव्हा मी पहिल्यांदा चित्रपटाची कहाणी ऐकली तेव्हा मी भावुक झालो होतो. खरंतर बायोपिक करणं हे खूप अवघड काम असतं. पण भारतीय चित्रपटसृष्टीचे जनक यांच्यावर बायोपिक करणं त्याहूनही आव्हानात्मक आहे.”

हेही वाचा – राखी सावंतने आदिल खानबरोबरच्या लग्नाचे सर्व पुरावे केले उघड; म्हणाली, “मी इस्लाममधील नियमांचं पालन केलं अन् आता…”

एसएस राजामौली यांच्या नव्या चित्रपटाचं नाव ‘मेड इन इंडिया’ असून या चित्रपटाच्या दिग्दर्शनाची धुरा नितिन कक्कड यांच्यावर देण्यात आली आहे. तर एसएस राजामौली या चित्रपटाची निर्मिती करणार आहेत. नितिन कक्कड यांनी ‘फिल्मिस्तान’, ‘मितरों’, ‘नोटबुक’ आणि ‘जवानी जानेमान’ यांसारख्या चित्रपटाचे दिग्दर्शन केले आहे.

हेही वाचा – Ganesh Chaturthi 2023: ढोल ताशांच्या गजरात ‘ठरलं तर मग’ फेम अमित भानुशालीच्या घरच्या बाप्पाचं आगमन; पाहा व्हिडीओ

माहितीनुसार, ‘मेड इन इंडिया’ चित्रपट हा सहा भाषांमध्ये प्रदर्शित होणार आहे. हिंदी, तेलुगू, तमिळ, कन्नड आणि मल्याळमबरोबर मराठीतही हा चित्रपट प्रदर्शित होणार आहे. सध्या चित्रपटाची प्रोसेस सुरू असून स्टारकास्टबाबत कोणतीही माहिती देण्यात आलेली नाही. पण चित्रपटाच्या टीझरमुळे प्रेक्षकांमध्ये ‘मेड इन इंडिया’विषयी उत्सुकता वाढली आहे.

हेही वाचा – “हा मला एका महिन्यात मिळालेला दुसरा राष्ट्रीय पुरस्कार”; गायक सलील कुलकर्णींच्या ‘त्या’ पोस्टनं वेधलं लक्ष

सध्या राजमौली हे महेश बाबूबरोबर एका चित्रपटाचे काम करत आहेत. हा एक एडव्हेंचर चित्रपट असणार आहे. ‘इंडियाना जोन्स’ सारख्या स्टाइलमध्ये हा चित्रपट बनवतं असल्याचं राजामौली यांनी सांगितलं.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ss rajamouli to present biopic of dadasaheb phalke pps
First published on: 19-09-2023 at 14:55 IST