Bigg Boss Marathi Kedar Shide : ‘बिग बॉस मराठी’च्या तुफान गाजलेल्या पाचव्या पर्वाची ६ ऑक्टोबर रोजी सांगता झाली. सूरज चव्हाणने यंदाच्या ट्रॉफीवर आपलं नाव कोरलं तर, अभिजीत सावंत पाचव्या सीझनचा उपविजेता ठरला. या दोघांनाही संपूर्ण महाराष्ट्रातून भरभरून प्रेम मिळालं. यावर्षीच्या सीझनमध्ये प्रेक्षकांना एक मोठा बदल पाहायला मिळाला आणि हा बदल होता होस्टिंगचा… यंदा पहिल्यांदाच रितेश देशमुखने होस्टिंगची धुरा सांभाळली होती आणि यात अभिनेत्याला भरभरून यश मिळालं.
भाऊच्या धक्क्याच्या ( Bigg Boss Marathi ) टीआरपीने यावर्षी उच्चांक गाठला होता. याचं श्रेय घरातील सदस्यांसह रितेश देशमुखचं देखील आहे. याशिवाय परदेशातील शूटिंगमधून ब्रेक घेत रितेश खास ग्रँड फिनालेसाठी मायदेशी परतला होता. त्यामुळे अभिनेत्याचं सर्वत्र कौतुक करण्यात येत आहे. अशातच आता खुद्द ‘कलर्स मराठी’ वाहिनीचे प्रोग्रामिंग हेड आणि लोकप्रिय मराठी दिग्दर्शक केदार शिंदे यांनी रितेशसाठी खास पोस्ट शेअर केली आहे.
केदार शिंदेंनी रितेशला मिठी मारत एक खास फोटो शेअर केला आहे. ते लिहितात, “एका शानदार पर्वाची सांगता झाली. रितेश भाऊ तुमचे मनापासून आभार. एका ग्रेट माणसाची या निमित्ताने ओळख झाली, त्यांच्या जवळ जाता आलं. स्वामी कृपा.” नेटकऱ्यांनी या पोस्टवर कौतुकाचा वर्षाव केला आहे.
हेही वाचा : बिग बॉस मराठीचा विजेता सूरज चव्हाणसाठी उपमुख्यमंत्री अजित पवारांची पोस्ट, बारामतीचा उल्लेख करत म्हणाले…
Bigg Boss Marathi – सूरज चव्हाणसाठी मोठी घोषणा
याशिवाय ग्रँड फिनालेला ( Bigg Boss Marathi ) केदार शिंदेंनी सूरज चव्हाणसाठी मोठी घोषणा केली आहे. त्यांनी सूरज चव्हाणवर सिनेमा बनवणार असल्याचं ‘बिग बॉस मराठी’च्या ग्रँड फिनालेला जाहीर केलं. या सिनेमाचा हिरो सुद्धा सूरजचं असणार आहे. तसेच या सिनेमाचं नाव ‘झापुक झुपूक’ असणार असल्याचं केदार शिंदे यांनी सांगितलं आहे.
© IE Online Media Services (P) Ltd