‘स्टार प्रवाह’ वाहिनीवरील लोकप्रिय मालिका ‘ठरलं तर मग’ सध्या चांगलीच प्रेक्षकांच्या पसंतीस उतरली आहे. टीआरपीच्या शर्यतीमध्ये ही मालिका ‘स्टार प्रवाह’वरच्या गाजलेल्या अनेक मालिकांना मागे टाकतं अव्वल स्थानावर आहे. प्रेक्षकांच्या मनावर अधिराज्य गाजवणारी ही मालिका अभिनेत्री मिरा जगन्नाथनं सोडल्याचं काल (६ जुलै) समोर आलं होतं. त्यानंतर आता ‘ठरलं तर मग’ मालिकेतील ज्येष्ठ अभिनेत्यानं प्रेक्षकांचा घेतला आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा – “मला ‘हे’ दुःख गेले चार-पाच दिवस सतावतंय…” क्रांती रेडकरचा नवा व्हिडीओ चर्चेत

‘ठरलं तर मग’ मालिकेत अभिनेत्री मिरा जगन्नाथ साक्षी ही भूमिका निभावत होती. पण मिरानं अचानक ही मालिका सोडली आहे. यामागचं अद्याप कारण स्पष्ट झालेलं नसून तिच्या जागी अभिनेत्री केतकी पालव आली आहे. आता मालिकेत साक्षीची भूमिका केतकी पालव निभावत आहे.

हेही वाचा – ‘हा’ अभिनेता साकारणार होता आनंद दिघेंची भूमिका, पण…; दिग्दर्शक प्रवीण तरडेंचा खुलासा

हे वृत्त ताजे असतानाच आता ‘ठरलं तर मग’ मालिकेतील साक्षीचे वडील महिपत ही भूमिका साकारणारे ज्येष्ठ अभिनेते माधव अभ्यंकरांनी सुद्धा प्रेक्षकांचा निरोप घेतला आहे. यामागचं कारण देखील अद्याप अस्पष्ट आहे. आता माधव अभ्यंकर यांच्या जागी ‘आई कुठे काय करते’ फेम अभिनेते मयूर खांडगे ‘महिपत’च्या भूमिकेत दिसणार आहेत.

हेही वाचा – “‘मुळशी पॅटर्न’ पाहिल्यावर कॉलर तोंडात पकडून कौतुक करणाऱ्या सलमानने…”, उपेंद्र लिमये यांचं विधान

मयूर खांडगे यांनी ‘आई कुठे काय करते’ या मालिकेत संजनाचा पूर्वाश्रमीचा पती ‘शेखर’ ही भूमिका साकारली होती. तसेच ते ‘शाब्बास सूनबाई’, ‘बाळूमामाच्या नावानं चांगभलं’ या मालिकेत झळकले होते.

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Senior actor madhav abhyankar exit from the tharla tar mag serial aai kuthe kay karte fame mayur khandge played mahipat role pps