‘असा’ शूट झाला ‘ठरलं तर मग’ मालिकेचा बहुप्रतिक्षीत प्रोमो! सायलीने दाखवली झलक; नेटकरी म्हणाले, “जुई मॅम आम्ही खूप…”

‘ठरलं तर मग’ मालिकेचा हा प्रोमो सोशल मीडियावर तुफान व्हायरल झाला आहे. कारण, गेल्या दोन वर्षांपासून ही मालिका टीआरपीच्या शर्यतीत पहिल्या स्थानी आहे. त्यामुळे मालिकेत पुढे काय घडणार? याची प्रेक्षक आतुरतेने वाट पाहत असतात. गेल्या काही दिवसांपासून अर्जुन-सायलीच्या प्रेमात प्रिया नेहमीच काही ना काही अडथळे आणतेय असं पाहायला मिळत होतं त्यामुळे प्रेक्षक यावर काहीसे नाराज झाले होते. अखेर आता सगळे ज्या क्षणाची सर्वजण आतुरतेने वाट पाहत होते तो क्षण जवळ आला आहे.

हेही वाचा : Video : तुळजा-शिवाच्या हाती लागणार मोठे सत्य! कोट्यवधीच्या संपत्तीचा मालक कोण? दोन्ही मालिकांच्या ‘महासंगम’मध्ये काय घडणार?

जुई गडकरीने शेअर केला मालिकेचा BTS व्हिडीओ

‘ठरलं तर मग’ ( Tharala Tar Mag ) मालिकेत अर्जुन सायलीला अंगठी घेऊन प्रपोज करणार आहे. त्यामुळे या प्रोमोला अवघ्या काही तासांतच १० लाखांहून अधिक व्ह्यूज मिळाले. म्हणूनच सायलीची भूमिका साकारणाऱ्या जुई गडकरीने एक पोल घेऊन तुम्हाला शूटिंगचा BTS व्हिडीओ पाहायचाय का असं विचारलं होतं. नेटकऱ्यांचा प्रतिसाद पाहता जुईने लगेच या सीन शूट होतानाचा पडद्यामागचा व्हिडीओ शेअर केला आहे.

जुई या प्रोमोमध्ये ( Tharala Tar Mag ) हॉटेलच्या टेबलवर अर्जुनची वाट बघत बसलेली असते. तिच्यासमोर गुलाबाची आणि चाफ्याची फुलं ठेवलेली असतात. प्रोमोत पाहिल्यानुसार जुई मनातून चलबिचल झाल्याचा अभिनय करत आहे. रोमँटिक ट्रॅक असल्याने ब्लोअरने तिचे केस उडतील अशी सगळी व्यवस्था ऑफ कॅमेरा करण्यात आली होती. तर, हा सीन शूट होताना प्रत्यक्षात देखील मालिकेचं शीर्षक गीत बॅकग्राऊंडला वाजत होतं. त्यामुळे या सीनसाठी संपूर्ण टीमने प्रचंड मेहनत घेतल्याचं पाहायला मिळत आहे.

हेही वाचा : सुपरस्टार नागार्जुन यांची होणारी सून आहे तरी कोण, काय काम करते? अखिल अक्किनेनीची भावी पत्नी आहे सोशल मीडियापासून दूर

हेही वाचा : रेश्मा शिंदे ‘या’ दिवशी करणार लग्न; मेहंदीमध्येच दडलीये लग्नाची तारीख, तुम्ही पाहिलीत का?

जुईने या व्हिडीओला, “टीमवर्कने सगळ्या गोष्टी साध्य होतात… बहुप्रतिक्षीत प्रोमोचा BTS खास तुमच्यासाठी” असं कॅप्शन दिलं आहे. तर, नेटकऱ्यांनी या BTS व्हिडीओवर सुद्धा कमेंट्सचा पाऊस पाडला आहे. “जर का dream sequence निघाला तर मग काही खरं नाही…”, “जुई मॅम आम्ही खूप वाट बघतोय…प्लीज आता तरी हे खरं होईल ना?”, “खूप वाट बघतोय आम्ही, की कधी सायली अर्जुन एकमेकांना प्रेम व्यक्त करतील” अशा कमेंट्स अभिनेत्रीच्या पोस्टवर ( Tharala Tar Mag ) आल्या आहेत.