ठरलं तर मग : अखेर मधुभाऊंची जेलमधून होणार सुटका! अर्जुनने कोर्टात घेतली मोठी जबाबदारी, पाहा प्रोमो

सायलीने केलेला गैरसमज ऐकून अर्जुन काहीसा नाराज होतो. पण, बायकोचा विश्वास आपण पुन्हा एकदा संपादन केला पाहिजे अशी इच्छा त्याच्या मनात असते. त्यामुळे आता कोर्टात भक्कम पुरावे सादर करून अर्जुन मधुभाऊंची जेलमधून सुटका करून घेणार आहे.

अर्जुन मधुभाऊंची सुटका करून घेण्यासाठी संपूर्ण जबाबदारी आपल्या खांद्यावर घेणार आहे. यासाठी तो कोर्टात म्हणतो, “मधुभाऊ रोज पोलिसांच्या कॉन्टॅक्टमध्ये राहतील आणि हवं तर रोज पोलीस स्टेशनमध्ये हजेरी देतील. याची संपूर्ण गॅरंटी मी त्यांचा वकील म्हणून मी तुम्हाला देतो. पण, आता मी सादर केलेल्या पुराव्यांमुळे मधुभाऊंना बेल मिळायलाच हवी.”

हेही वाचा : Suraj Chavan – सूरज चव्हाणने मागितली चाहत्यांची माफी! काय आहे कारण? अंकिता व जान्हवी यांचा उल्लेख करत म्हणाला…

अर्जुन करणार मधुभाऊंची सुटका

अर्जुनने आपली बाजू मांडल्यावर न्यायाधीश म्हणतात, “ॲडव्होकेट पवार आणि ॲडव्होकेट सुभेदार यांनी कोर्टात सादर केलेल्या पुराव्यांनुसार हे कोर्ट मधुकर पाटील यांना जामिनावर सोडवण्याचा आदेश देत आहे.” यानंतर साक्षी शिखरे, प्रिया, महिपत यांच्या चेहऱ्यावरचा रंग पूर्णपणे उडतो. तर, दुसऱ्या बाजूला

दरम्यान, ‘ठरलं तर मग’ ( Tharala Tar Mag ) मालिकेत लवकरच दिवाळीचा सीक्वेन्स सुरू होणार आहे. सणाच्या निमित्ताने मालिकेत मधुभाऊंची रिएन्ट्री होणार आहे. तुळशीसमोर दिवा लावताना मधुभाऊ आपल्या लेकीला आवाज देतात. आपल्या वडिलांना सणाच्या दिवशी घरी परत आलेलं पाहून सायलीला प्रचंड आनंद होतो. ती धावत जाऊन मधुभाऊंना मिठी मारते. यादरम्यान ती प्रचंड रडत असते.

हेही वाचा : भारताचा पहिला सुपरहीरो ‘शक्तिमान’ पुन्हा येतोय प्रेक्षकांच्या भेटीला; कोण साकारणार मुख्य भूमिका? जाणून घ्या

हेही वाचा : लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार पडला विवाहसोहळा, फोटो आले समोर

आपल्या नवऱ्याने मधुभाऊंची सुटका केलीये हे पाहताच सायली पटकन अर्जुनला मिठी मारते. ‘ठरलं तर मग’ ( Tharala Tar Mag ) मालिकेचा हा विशेष भाग १३ नोव्हेंबरला रात्री ८.३० वाजता प्रसारित केला जाणार आहे.