Sarabhai vs Sarabhai Actress Vaibhavi Upadhyaya Died : ‘साराभाई वर्सेस साराभाई’ फेम अभिनेत्री वैभवी उपाध्याय हिचं अपघाती निधन झालं आहे. सोमवारी(२२ मे) हिमाचल प्रदेशात झालेल्या एका भीषण रस्ते अपघातात तिचा मृत्यू झाला. ती ३९ वर्षांची होती. वैभवी उपाध्यायच्या निधनामुळे सिनेविश्वावर शोककळा पसरली आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

वैभवीच्या निधनावर कलाविश्वातील सेलिब्रिटींनी शोक व्यक्त केला आहे. प्रसिद्ध मराठी अभिनेता सुमित राघवणनेही ट्वीट करत श्रद्धांजली वाहिली आहे. “मला धक्का बसला आहे. मी सुन्न झालो आहे. ओम शांती” असं म्हणत सुमितने हळहळ व्यक्त केली आहे. वैभवी व सुमित राघवने ‘साराभाई वर्सेस साराभाई’ मालिकेत एकत्र काम केलं होतं.

हेही वाचा >> ‘अनुपमा’ फेम अभिनेता नितेश पांडेंचं निधन, कार्डिअ‍ॅक अरेस्टमुळे मृत्यू

माहितीनुसार, वैभवी उपाध्यायच्या कारचा अपघात सोमवारी (२२ मे) हिमाचल प्रदेशातील कुल्लू या ठिकाणी झाला. या भीषण अपघातात वैभवीचा जागीच मृत्यू झाला. वैभवी तिच्या होणाऱ्या पतीबरोबर फिरण्यासाठी गेली होती. त्यावेळी एका वळणावर त्यांच्या कारचे नियंत्रण सुटले आणि हा अपघात झाला. या अपघातानंतर त्यांची कार थेट दरीत कोसळली. वैभवीच्या पार्थिवावर बुधवारी सकाळी ११ वाजता मुंबईत अंत्यसंस्कार करण्यात येणार आहेत.

वैभवीने अनेक मालिकांमध्ये काम केलं आहे. ‘सीआयडी’, ‘अदालत’ आणि ‘साराभाई वर्सेस साराभाई’ या तिच्या काही गाजलेल्या मालिका आहेत. ‘साराभाई’ या मालिकेतील जास्मीन या पात्राने तिला विशेष ओळख मिळवून दिली. वैभवीने २०२० मध्ये ‘छपाक’ या चित्रपटात दीपिका पदुकोणसह स्क्रीन शेअर केली होती.

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Tv actress vaibhavi upadhyaya died in accident marathi actor sumeet raghvan shared heartfelt condolence tweet kak