गेल्या काही दिवसांपासून मराठी सिनेसृष्टीत वेगवेगळ्या धाटणीच्या चित्रपटांची निर्मिती होत आहे. त्यानंतर आता लवकरच हवाहवाई हा चित्रपट प्रदर्शित होत आहे. या चित्रपटात वर्षा उसगावकर, सिद्धार्थ जाधव, समीर चौघुले अशा दमदार कलाकारांची फौज पाहायला मिळणार आहे. नुकतंच या चित्रपटातील पहिले गाणे प्रदर्शित झाले आहे. ‘तू जा गं पुढं मर्दानी’ असे या बहुचर्चित गाण्याचे नाव आहे. या गाण्याला सध्या प्रेक्षकांची पसंती मिळताना दिसत आहे.
‘तू न झुकणारी, तू गं लढणारी, नारी तू लई लई भारी’ असे दमदार शब्द या गाण्यात पाहायला मिळत आहे. ‘हवाहवाई’ चित्रपटातील हे गाणे गायिका उर्मिला धनगर यांनी गायलेले आहे. हे गाणं प्रेक्षकांची पसंती मिळवत आहे. येत्या ७ ऑक्टोबरला हा चित्रपट प्रदर्शित होणार आहे.
आणखी वाचा : “मी आणि सिद्धार्थ जाधव १० वर्षे एकमेकांशी बोलत नव्हतो आणि श्रीदेवींच्या निधनानंतर…” सोनाली कुलकर्णीने सांगितला किस्सा
महेश टिळेकर यांनीच लिहिलेलं हे गाणं पंकज पडघन यांनी संगीतबद्ध केलं आहे. आतापर्यंत उत्तमोत्तम आणि हिट गाणी गायलेल्या उर्मिला धनगरनं हे गाणं गायलं आहे. गायिका उर्मिला धनगरनं तिच्या आवाजाद्वारे या गाण्याचं सोनं केलं आहे. अतिशय दमदार असलेलं हे गाणं प्रेक्षकांना नक्कीच आवडेल, अशा शब्दात महेश टिळेकरने तिचे कौतुक केले आहे.
आणखी वाचा : वर्षा उसगावकर आणि आशा भोसलेंच्या चाहत्यांसाठी खास पर्वणी, नव्या चित्रपटाचे पोस्टर प्रदर्शित
मराठी तारका प्रॉडक्शन्सचे महेश टिळेकर आणि नाईनटिन नाईन प्रॉडक्शन्सचे विजय शिंदे यांनी “हवाहवाई” चित्रपटाची निर्मिती केली आहे. तर महेश टिळेकर यांनी चित्रपटाचं लेखन, दिग्दर्शन आणि संकलन केलं आहे. मल्याळम चित्रपटांतील अभिनेत्री निमिषा संजयन हवाहवाईद्वारे मराठीत पदार्पण करत आहे. तिच्यासह वर्षा उसगावकर, संजीवनी जाधव, किशोरी गोडबोले, समीर चौघुले, अतुल तोडणकर, सिद्धार्थ जाधव, गौरव मोरे, मोहन जोशी, स्मिता जयकर, गार्गी फुले, प्राजक्ता हनमघर, पूजा नायक, सीमा घोगळे, बिपिन सुर्वे, अंकित मोहन असे उत्तम कलाकार या चित्रपटात झळकणार आहे.