bmc demolished 32 unauthorized huts near charni road station zws 70 | Loksatta

चर्नीरोड स्थानकाजवळच्या ३२ अनधिकृत झोपडय़ांवर कारवाई

चर्नीरोड पूर्वेला स्थानकाला समांतर असलेला रस्ता हा गेल्या काही महिन्यांपासून झोपडय़ांनी व्यापला होता.

चर्नीरोड स्थानकाजवळच्या ३२ अनधिकृत झोपडय़ांवर कारवाई
संग्रहित छायाचित्र

मुंबई : चर्नीरोड स्थानकाच्या पूर्वेकडचा परिसर पालिकेने धडक कारवाईद्वारे मोकळा केला आहे. चर्नीरोड पूर्वेला असलेल्या महर्षी कर्वे मार्गावर गेल्या काही आठवडय़ांमध्ये ३२ अनधिकृत झोपडय़ा बांधण्यात आल्या होत्या. पदपथांवर व पदपथानजिक असलेल्या या झोपडय़ांमुळे पादचाऱ्यांना पदपथावर चालण्यास अडथळा येत होता. त्यामुळे पालिकेने ही कारवाई केली.  चर्नीरोड पूर्वेला स्थानकाला समांतर असलेला रस्ता हा गेल्या काही महिन्यांपासून झोपडय़ांनी व्यापला होता.

सैफी रुग्णालयाजवळ आणि चर्नीरोड स्थानकालगत असणाऱ्या महर्षी कर्वे मार्गावर पावसाळय़ादरम्यान ३२ अनधिकृत झोपडय़ा बांधण्यात आल्या. त्यामुळे अनेक पादचारी हे पदपथोजिकच्या रस्त्यावरून चालत असल्याने अपघाताची भीती वाढण्यासोबतच वाहतुकीसाठीही अडथळा होत होता. याबाबत तक्रारी आल्यानंतर महपालिकेच्या ‘डी’ विभागाद्वारे कारवाई करण्यात आली. त्यात ३२ झोपडय़ा हटविण्यात आल्या. मुंबई वाहतूक पोलिसांच्या मदतीने करण्यात आलेल्या या कारवाईसाठी महापालिकेच्या ८० कामगार, कर्मचारी, अधिकारी यांचे पथक घटनास्थळी होते. मोठय़ा आकारातील वाहिन्या उचलण्यासाठी वापरण्यात येणारे हायड्रा यंत्र या कारवाईसाठी वापरण्यात आले होते.  झोपडय़ा हटविल्यानंतर या ठिकाणी कीटक नियंत्रण खात्याद्वारे फवारणी करण्यासह संबंधित कचरा डंपरद्वारे तात्काळ हटविण्यात आला आहे, अशी माहिती सहाय्यक आयुक्त शरद उघडे यांनी दिली आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
शिवसेनेकडून शिवाजी पार्कवर मेळाव्याची जय्यत तयारी

संबंधित बातम्या

विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
‘पंतप्रधान पथविक्रेता आत्मनिर्भर निधी’च्या शिबिरास केवळ ६,२४१ पथविक्रेत्यांचा प्रतिसाद
मनसेच्या सभेला सशर्त परवानगी
वडील घरी न परतल्याने मुलाची आत्महत्या!
नरेंद्र दाभोलकर हत्या प्रकरणाच्या तपासात चालढकल; मुंबई हायकोर्टाकडून सीबीआयची खरडपट्टी

व्हिडिओ

ताज्या बातम्या
FIFA World Cup 2022 : अर्जेटिनाची पोलंडवर मात; दोन्ही संघ बाद फेरीत
FIFA World Cup 2022 : गोलफरकामुळे मेक्सिकोचे स्पर्धेतील आव्हान संपुष्टात
कास पठाराला घातलेले कुंपण काढण्यास सुरुवात
केंद्राने देशभर समान नागरी कायदा लागू करावा!; शरद पवार छत्रपती शिवाजी महाराजांचे नाव घेत नाहीत : राज
विश्लेषण : रॉय दाम्पत्याचे काय चुकले?