MHADAs veterinary and womens hospital tender cancelled due to non-response mumbai | Loksatta

म्हाडाचे पशुवैद्यकीय आणि स्त्री रुग्णालय बारगळले; प्रतिसादाअभावी निविदा रद्द

एकदा निविदांना मुदतवाढही देण्यात आली होती. मात्र, या दोन्ही प्रकल्पांसाठी प्रत्यक्षात एकही निविदा सादर झाली नाही.

म्हाडाचे पशुवैद्यकीय आणि स्त्री रुग्णालय बारगळले; प्रतिसादाअभावी निविदा रद्द
म्हाडा

म्हाडा’च्या मुंबई मंडळाने वांद्रे पश्चिम येथे पशुवैद्यकीय रुग्णालय, तसेच ओशिवरा येथे स्त्री रुग्णालय उभारण्याचा निर्णय घेतला आहे. मंडळाच्या भूखंडांवर ही रुग्णालये बांधण्यासाठी इच्छुकांकडून स्वारस्य निविदा मागविण्यात आल्या होत्या. मात्र, प्रतिसादाअभावी या निविदा रद्द करण्याची नामुष्की मंडळावर ओढावली आहे. परिणामी, या दोन्ही रुग्णालयांचे प्रकल्प बारगळले आहेत.

हेही वाचा- छगन भुजबळांविरोधात गुन्हा दाखल, जीवे मारण्याची धमकी दिल्याचा गंभीर आरोप; सरस्वती वक्तव्याशी आहे संबंध

सर्वसामान्यांना परवडणाऱ्या दरात हक्काची घरे देणाऱ्या ‘म्हाडा’ने सामाजिक बांधिलकी जपण्यासाठी गृहप्रकल्पासह वसतिगृह, पशुवैद्यकीय रुग्णालय, स्त्री रुग्णालय उभारण्याचा निर्णय घेतला आहे. त्यानुसार ओशिवरा येथील ८८९० चौरस मीटर भूखंडावर स्त्री रुग्णालय बांधण्यासाठी मे महिन्यात स्वारस्य निविदा मागविली होती. तसेच वांद्रे पश्चिम येथील ११२५ चौरस मीटर भूखंडावर पशुवैद्यकीय रुग्णालय बांधण्यासाठी याचदरम्यान स्वारस्य निविदा काढण्यात आल्या होत्या. वैद्यकीय क्षेत्रात काम करणाऱ्या, रुग्णालय बांधण्यास इच्छुक संस्था, कंपन्यांकडून निविदा मागविण्यात आल्या होत्या. निविदेत निवड होणाऱ्या संस्था/कंपनीकडून प्रीमियम घेऊन भाडेतत्त्वावर भूखंड देण्यात येणार होता. मात्र या निविदेला प्रतिसादच मिळाला नाही.

हेही वाचा- टॅक्सी, रिक्षाची भाडेवाढ आजपासून लागू

काही संस्था/कंपन्यांनी निविदेसाठी उत्सुकता दाखविली होती. त्यामुळे एकदा निविदांना मुदतवाढही देण्यात आली होती. मात्र, या दोन्ही प्रकल्पांसाठी प्रत्यक्षात एकही निविदा सादर झाली नाही. त्यामुळे ही निविदा रद्द करण्यात आली आहे. याबाबत पुढील निर्णयासाठी सरकारकडे विचारणा करण्यात येणार आहे. तसेच निविदेला नेमका कशामुळे प्रतिसाद मिळाला नाही, निविदेत काय त्रुटी होत्या याबाबत पशुवैद्यकीय क्षेत्रातील तज्ज्ञांशी, तसेच वैद्यकीय क्षेत्रातील तज्ज्ञांशी चर्चा करण्यात येणार असल्याचे मुंबई मंडळातील वरिष्ठ अधिकाऱ्याने सांगितले

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
छगन भुजबळांविरोधात गुन्हा दाखल, जीवे मारण्याची धमकी दिल्याचा गंभीर आरोप; सरस्वती वक्तव्याशी आहे संबंध

संबंधित बातम्या

खारमध्ये डिलिव्हरी बॉयकडून घरात घुसून महिलेचा विनयभंग, पीडिता म्हणाली, “त्याने माझे…”
महापरिनिर्वाण दिनानिमित्त रेल्वे पोलिसांनी केलेले नियोजन अयशस्वी; ये-जा करण्याचे मुख्य मार्गच बंद
मुंबईसाठी २२ दिवस धोक्याचे! ‘या’ काळात मुसळधार पाऊस झाल्यास तुंबई होणार
‘तो’ कबुतराचं मांस चिकन म्हणून हॉटेल्सला विकायचा; मुंबईमधील धक्कादायक प्रकार, आठ जणांविरुद्ध गुन्हा दाखल
मुंबई अग्निशमन दलात लवकरच भरती

व्हिडिओ

ताज्या बातम्या
पुणे: वरिष्ठांच्या त्रासाला कंटाळलेला रेल्वेचालक दोन दिवसांपासून गायब; एकही रेल्वे चालू न देण्याचा कर्मचाऱ्यांचा इशारा
पुणे: राष्ट्रीय सेवा योजनेच्या स्वयंसेवकांमध्ये वाढ; १४ विद्यापीठांतील ९० हजार ३०० स्वयंसेवकांना मंजुरी
‘सहकारातील गैरव्यवहारात कुणाचीही गय होणार नाही’; सहकारमंत्री अतुल सावे यांचा इशारा
“अंगावर आले तर शिंगावर घ्या, वकिलांची फौज उभी करतो” राज ठाकरेंचे मनसैनिकांना थेट आदेश
Video : “तुझ्या पाया पडतो पण…” मांडीवर बसली, खांद्यावर टाकला हात; प्रसादच्या जवळ जाण्याचा राखी सावंतचा प्रयत्न