५९६ वाहनचालकांवर कारवाईचा बडगा; नियम मोडणाऱ्यांवर आरटीओची कारवाई

रस्ते सुरक्षा वाढवण्याच्या उद्देशाने एका महत्त्वपूर्ण उपक्रमात, प्रादेशिक परिवहन कार्यालय मुंबई मध्य आणि मुंबई पूर्वने नव्याने बांधलेल्या किनारी रस्त्यावरील अपघातांना आळा घालण्यासाठी एक विशेष मोहीम सुरू होती. ही मोहीम १३ ते १८ फेब्रुवारी या कालावधीत राबवण्यात आली. आरटीओ वाहतूक नियमांची कठोर अंमलबजावणी करण्यावर लक्ष केंद्रित केले असून नियमांची पायमल्ली करणाऱ्यांवर कारवाई केली. त्यात मुंबई मध्य आरटीओ कार्यालयाद्वारे ३०६ आणि मुंबई पूर्व आरटीओ कार्यालयाद्वारे २९० जणांना पकडले. सर्व वाहनचालकांना किनारी मार्गावर वाहन चालवताना वेग मर्यादा पाळण्याचे आणि सुरक्षेला प्राधान्य देण्याचे आवाहन आरटीओच्या वरिष्ठ अधिकाऱ्यांकडून करण्यात आले. जनतेत वाहतूक नियमांविषयी जागरूकता वाढवून सर्वांसाठी सुरक्षित प्रवास सुनिश्चित करण्यासाठी आरटीओद्वारे मोहीम राबविण्यात येत आहे.