पोलीस भरतीचा सराव एका तरुणीच्या जीवावर बेतल्याची घटना अकोल्यातील वसंत देसाई क्रीडांगणावर घडली. २२ वर्षीय तरुणी धावताना क्रीडांगणावरच कोसळली. यात तिचा मृत्यू झाला. रोशनी अनिल वानखडे (२२) असे मृत तरुणीचे नाव आहे.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
अकोला तालुक्यातील ग्राम धोतर्डी येथील रहिवासी रोशनी गेल्या काही दिवसांपासून तिच्या बहिणीकडे शहरातील रणपिसे नगर भागात राहत होती. रोशनी पोलीस भरतीची तयारी करीत होती. तिचा शहरातील वसंत देसाई क्रीडांगणावरील मैदानावर शारीरिक कसरत आणि धावण्याचा सराव सुरू होता.
धावण्याच्या सरावादरम्यान रोशनी चक्कर येऊन कोसळली. डॉक्टरांनी तपासणी करून तिला मृत घोषित केले. रोशनीच्या मृत्युमुळे कुटुंबीय व मैदानावर सराव करणाऱ्यांना धक्का बसला आहे. रोशनीचे पोलीस दलात भरती होण्याचे स्वप्न अखेर अपूर्णच राहिले.
First published on: 25-08-2022 at 09:48 IST
Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Akola a young woman died in the field while practicing running for police recruitment msr