दूध उत्पादकांच्या खात्यात थेट जमा होणार अनुदान; आदेश लवकरच

बुलढाणा : शासनातर्फे देण्यात येणारे अनुदान लवकरच दूध उत्पादक शेतकऱ्यांच्या बँक खात्यात थेट जमा होणार आहे. यासंदर्भातील आदेश लवकरच निर्गमित होणार आहे. राज्य शासनातर्फे दूध उत्पादक शेतकऱ्यांना प्रतिलिटर ५ रुपये असे अनुदान देण्यात येते. मात्र हे अनुदान शेतकऱ्यांना देण्याऐवजी दूध संघ किंवा संबधित ‘डेअरी’ला देण्यात येते. यामुळे शेतकऱ्यांची अडचण होते. बुलढाण्यातील दूध उत्पादकांच्या शिष्टमंडळाने बुलढाणा आमदार संजय गायकवाड यांची भेट घेऊन ही अडचण मांडली.