Premium

‘मेडिकल’च्या वसतिगृहात रॅगिंग? रात्री विद्यार्थ्यांना…

दिल्लीतून ही तक्रार मेडिकल प्रशासनाकडे वर्ग होताच अधिकाऱ्यांचे धाबे दणाणले.

ragging in nagpur medical college, ragging complaint at nagpur medical college
‘मेडिकल’च्या वसतिगृहात रॅगिंग? रात्री विद्यार्थ्यांना… (संग्रहित छायाचित्र)

नागपूर : शासकीय वैद्यकीय महाविद्यालय व रुग्णालयातील (मेडिकल) वसतिगृहात एमबीबीएस प्रथम वर्षाच्या विद्यार्थ्याची रॅगिंग झाल्याची निनावी तक्रार दिल्लीतील ॲन्टी रॅगिंग समितीच्या मदत क्रमांकावर करण्यात आली. त्यानंतर दिल्लीतून मेडिकलला ही तक्रार वर्ग होताच प्रशासनाकडून चौकशी सुरू झाली आहे. दिल्लीतील ॲन्टी रॅगिंग समितीच्या मदत क्रमांकावर झालेल्या तक्रारीनुसार मेडिकलच्या वसतिगृह क्रमांक ५ मध्ये एमबीबीएस प्रथम वर्षाच्या विद्यार्थ्यांना मान खाली घालून उभे करणे, रात्री-बेरात्री मुलांना झोपेतून उठवून त्रास देण्यात येत असल्याचे नमूद आहे.

या बातमीसह सर्व प्रीमियम कंटेंट वाचण्यासाठी साइन-इन करा

दिल्लीतून ही तक्रार मेडिकल प्रशासनाकडे वर्ग होताच अधिकाऱ्यांचे धाबे दणाणले. तातडीने २० सप्टेंबरला मेडिकलमध्ये ॲन्टी रॅगिंग समितीची बैठक घेतली गेली. त्यापूर्वीच मेडिकल प्रशासनाकडून वसतिगृहातील १०७ वरिष्ठ विद्यार्थी आणि ८२ एमबीबीएस प्रथम वर्षाच्या विद्यार्थ्याची एक-एक करत चौकशी केली गेली. प्राथमिक चौकशीत येथील एकाही विद्यार्थ्याने रॅगिंग झाली नसल्याचे लेखी दिले आहे. त्यानंतरही प्रशासनाकडून आवाहन करून विद्यार्थ्यांना एक-एक करत माहिती विचारत कुणाची रॅगिंग झाली असल्यास पुढे या, तुमचे नाव गोपनीय ठेवले जाणार असल्याचे सांगत दोषींवर कारवाईचे आश्वासनही दिले जात आहे. त्यानंतरही कुणीही रॅगिंग झाल्याचे मान्य करायला तयार नाही.

हेही वाचा : वाशीम: वीज पडून महिलेचा मृत्यू, चार जनावरेही दगावली

‘मेडिकल प्रशासनाकडे रॅगिंगबाबत तक्रार आल्यावर येथील ॲन्टी रॅगिंग समितीने केलेल्या प्राथमिक चौकशीत येथे कोणतीही रॅगिंग झाली नसल्याचे दिसत आहे. त्यानंतरही विद्यार्थ्यांकडून जबाब घेतला जात आहे. प्रशासनाने येथे रॅगिंग होऊ नये म्हणून आवश्यक काळजीही घेतली आहे’, असे नागपूर मेडिकल रुग्णालयाचे अधिष्ठाता डाॅ. राज गजभिये यांनी म्हटले आहे.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Nagpur medical college student complaints about ragging at hostel on delhi anti ragging committee helpline number college administration alert mnb 82 css

First published on: 22-09-2023 at 09:32 IST

आजचा ई-पेपर : नागपूर / विदर्भ

वाचा