नागपूर : इंडिगोच्या नागपूर ते बंगळुरू विमानाचे आपत्कालीन प्रवेशद्वार उघडण्याचा प्रयत्न केल्याची बाब समोर आली आहे. त्या प्रवाशाला बंगळुरू येथे ‘सीआयएसएफ’ने अटक केली आहे. आरोपी प्रवाशांचे नाव स्वप्निल होले आहे. त्याची जामिनावर सुटका करण्यात आली आहे. प्राप्त माहितीनुसार ३० सप्टेंबरला रात्री सव्वादहा वाजता इंडिगोच्या विमानात स्वप्निल होता. तो आसन क्रमांक ५-इ वर बसला होता.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
नागपूर विमानतळावरून विमान उडताच स्वप्निल होले यांनी आपत्कालीन प्रवेशद्वार उघडण्याचा प्रयत्न केला होता. या प्रकारामुळे विमानातील प्रवासी घाबरले. विमानातील कर्मचाऱ्याने स्वप्निलला प्रवेशद्वार उघडण्यापासून अडवले. विमान रात्री ११.५५ वाजता बंगळुरू येथे उतरताच स्वप्निलला अटक करण्यात आली. हे विमान बंगळुरू येथून बँकाकला निघाले होते, असे सांगण्यात येत आहे.
First published on: 03-10-2023 at 13:40 IST
Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Trying to open the door of the plane cisf has arrested rbt 74 ysh