नागपूर : ‘नॅशनल ओशनिक अँड ॲटमॉस्फेरिक ॲडमिनिस्ट्रेशन’ या अमेरिकेतील हवामान अभ्यासक संस्थेने ‘एल निनो’च्या आगमनाची वर्दी दिली आहे. दर महिन्याच्या नऊ तारखेला या संस्थेकडून ‘एल निनो’ बाबत माहिती दिली जाते. आगमनाची माहिती देतानाच हिवाळ्यात ‘एल निनो’ आणखी मजबूत होण्याची शक्यताही या संस्थेने वर्तवली आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा – ‘बिपरजॉय’ आणखी तीव्र; भारताच्या किनारपट्टीवर मोठा परिणाम

‘एल निनो’ ही नैसर्गिक घटना असून सरासरी दर दोन ते सात वर्षांनी येते. त्यांच्या प्रभावामुळे जगभरात काही ठिकाणी अतिवृष्टी तर काही ठिकाणी दुष्काळाचा धोका वाढतो. त्याचा हवामानावरील प्रभाव प्रशांत महासागरापलीकडे पसरला आहे. भारताने २००२, २००४, २००९ आणि २०१२ या वर्षात जी दुष्काळी स्थिती अनुभवली, ती ‘एल निनो’ मुळेच असल्याचे म्हटले जाते. पावसावर अवलंबून असणाऱ्या खरीप आणि रबी पिकांच्या उत्पादनात घट निर्माण होण्याची शक्यताही यामुळे नाकारता येत नाही. ‘एल निनो’चा प्रभाव दर तीन ते सात वर्षांनी आढळतो. त्यामुळे मान्सूनच नाही तर हिवाळादेखील उबदार होतो आणि उन्हाळा आणखी उष्ण होतो.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Will el nino spoil the math of the atmosphere this year too read what the american institute says rgc 76 ssb