नाशिक : सिडकोतील उत्तमनगर परिसरात बुधवारी सहाच्या सुमारास भ्रमणध्वनीचा (मोबाइल) स्फोट होऊन तीन जण जखमी झाले. त्यात एकाची प्रकृती गंभीर आहे . जखमींना खासगी रुग्णालयात दाखल करण्यात आले आहे. उत्तम नगर परिसरात तुळजा निवास येथे हा प्रकार घडला. या स्फोटामुळे घराचे नुकसान झाले तसेच घराबाहेरील गाड्यांच्या काचा फुटल्या.
हेही वाचा : नाशिक: मंडळांना मागील वर्षाचेच क्रमांक; विसर्जन मिरवणूक रेंगाळल्यास कारवाई; पोलिसांचा इशारा
या घटनेत तुषार जगताप , शोभा जगताप, बाळकृष्ण सुतार हे जखमी झाले. अंबड पोलीस घटनास्थळी दाखल झाले असून स्फोट नेमका कशाचा झाला याचा तपास करत आहेत. अंबड पोलीस निरीक्षक प्रमोद वाघ यांनी स्फोट झाला, मात्र तो कशामुळे हे समजले नाही, असे सांगितले. दरम्यान, जखमींनी भ्रमणध्वनीचे चार स्फोट झाल्याचे सांगितले आहे. पोलीस पथक घटनास्थळी असून तपास सुरू आहे.