विना परवाना अवैधरित्या खरेदी केलेली सुमारे पावणे तीन लाख रुपयांची किटकनाशके व बुरशीनाशके वाहतुकीदरम्यान पोलिसांनी जप्त केली. कृषी विभागाच्या तक्रारीनंतर ही कारवाई करण्यात आली. या प्रकरणी ओझर पोलीस ठाण्यात गुन्हा दाखल करण्यात आला आहे.मुंबई-आग्रा महामार्गावरील एचएएल कारखान्याच्या प्रवेशद्वारासमोर दोन लाख ६५ हजार ८४० रुपयांचा हा साठा जप्त करण्यात आला.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा >>> नवरात्रोत्सव : देवीच्या मूर्त्यांच्या किमतीत ४० ते ४५ टक्के वाढ होण्याची शक्यता

या प्रकरणी निफाड तालुक्यातील कसबे सुकेणे येथील प्रणव शेटे याला अटक करण्यात आली आहे. संशयिताने बेकायदेशीरपणे बुरशीनाशके व किटकनाशके खरेदी केली होती. त्याचा साठा करून शेतकऱ्यांना विकण्याचा त्याचा प्रयत्न होता, असे कृषी अधिकारी अभिजित घुमरे यांनी दिलेल्या तक्रारीत म्हटले आहे. शासन व शेतकऱ्यांची फसवणूक केल्या प्रकरणी ओझर पोलिसांनी विविध कलमांन्वये गुन्हा दाखल केला आहे.

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Pesticide stock worth rs 3 lakh seized in nashik amy