Rathotsava starts from today in Chopda Jalgaon | Loksatta

चोपड्यात आजपासून वहनोत्सवासह रथोत्सव; श्री व्यंकटेश बालाजी संस्थानची चारशे वर्षांची परंपरा

रथोत्सव काळात शहरात दोन दिवसांची रथयात्राही भरत असते. नागरिकांनी मोठ्या संख्येने सहभागी होण्याचे आवाहन संस्थानच्या पदाधिकार्‍यांनी केले आहे.

चोपड्यात आजपासून वहनोत्सवासह रथोत्सव; श्री व्यंकटेश बालाजी संस्थानची चारशे वर्षांची परंपरा
चोपड्यात आजपासून वहनोत्सवासह रथोत्सव

जळगावमधील चोपडा येथील श्री व्यंकटेश बालाजी संस्थानतर्फे सोमवारपासून ब्रह्मोत्सव महोत्सवाला सुरुवात होत आहे. सुमारे चारशे वर्षांची परंपरा असलेला वहनोत्सव आणि रथोत्सव याअंतर्गत साजरा होणार आहे. हे कार्यक्रम सात ऑक्टोबरपर्यंत सुरु राहणार असल्याची माहिती संस्थानचे अध्यक्ष प्रवीण गुजराथी आणि विश्‍वस्तांनी दिली.

हेही वाचा- सप्तश्रृंग गडावरील बोकडबळी प्रथेसंबधी जनहित याचिका; सोमवारी सुनावणी

शहरातील ठराविक भागात मिरवणूक काढणार

सोमवारी संबंधित वहनावर आरूढ होऊन श्री बालाजी महाराजांची ठराविक भागात मिरवणूक काढण्यात येईल. त्यानिमित्त या उत्सवाची मोठी उत्सुकता नागरिकांमध्ये दिसून येत आहे. करोनाच्या संसर्गामुळे शासकीय नियमांमुळे दोन वर्षे वहनोत्सव मंदिरातच पार पडला होता, तर रथोत्सवही जागच्या जागीच पार पाडून परंपरा जोपासली गेली होती. खानदेशात प्रसिद्ध असलेला रथोत्सव सहा आणि सात ऑक्टोबर रोजी होणार आहे.

हेही वाचा- ‘प्रधानमंत्री पीक विमा संरक्षण योजने’अंतर्गत शेतकऱ्यांना मिळणार नुकसान भरपाई; ‘या’ नंबरवर साधा संपर्क

उत्सवात सहभागी होण्याचे नागरिकांना आवाहन

सहा ऑक्टोबर रोजी सकाळी १० वाजता गोल मंदिराजवळील श्री बालाजी मंदिरापासून श्री बालाजी महाराजांच्या रथोत्सवाला प्रारंभ होईल. आशा टॉकीज, ग्रामदैवत श्री आनंदी भवानी मंदिर, रथमार्गाने रथ आठवडे बाजार, पाटील दरवाजा मार्गाने छत्रपती शिवाजी महाराज चौकात मुक्कामी येईल. तेथे रात्रभर भाविकांच्या दर्शनासाठी राहील. सात ऑक्टोबर रोजी रथाच्या परतीच्या प्रवासाला सकाळी १० वाजता प्रारंभ होईल. बाजारपेठ मार्गाने पुन्हा गोल मंदिराजवळ येऊन यंदाच्या वहनोत्सव व रथोत्सवाचा समारोप होईल. यानिमित्ताने रथोत्सव काळात शहरात दोन दिवसांची रथयात्राही भरत असते. नागरिकांनी मोठ्या संख्येने सहभागी होण्याचे आवाहन संस्थानच्या पदाधिकार्‍यांनी केले आहे.

मराठीतील सर्व नाशिक / उत्तर महाराष्ट्र ( Nashik ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
नंदुरबार : धडगाव बलात्कार आणि हत्या प्रकरणी पोलीस निरीक्षकासह उपनिरीक्षक निलंबित

संबंधित बातम्या

VIDEO: “अनेक मुलींचे खून हिंदू मुलांकडूनही झालेत आणि…”, ‘लव्ह जिहाद’वर बोलताना संजय राऊतांचं मोठं विधान
“सोलापुरात कर्नाटक भवन बांधणार असाल, तर आम्हाला…”, संजय राऊतांचे मुख्यमंत्री बोम्मईंना प्रत्युत्तर
“शिंदे गटात लवकरच स्फोट होईल”, संजय राऊतांचं मोठं विधान; म्हणाले, “आमदार सोडून गेले म्हणून…”
पुणे – नाशिक हायस्पीड रेल्वे प्रकल्प केंद्रीय मंत्रिमंडळाच्या मंजुरीच्या प्रतीक्षेत; महारेल रेल्वेमंत्र्यांकडे भूमिका स्पष्ट करणार

व्हिडिओ

ताज्या बातम्या
विश्लेषण : चीनने ‘शून्य कोविड धोरण’ शिथिल केल्यास काय होणार?
नाद कुणाचा करायचा! टायगर शार्कचा व्हिडीओ काढायला गेला अन् होत्याचं नव्हतं झालं, पाण्यातील थरारक Viral Video पाहाच
मधुमेहाच्या रुग्णांनी रोज ‘हे’ पदार्थ खाण्यास सुरुवात करा; रक्तातील साखरेची समस्या कायमची दूर होईल
या चित्रात असलेली चुक तुम्हाला दिसली का? तीक्ष्ण नजर असणाऱ्यांना पटकन येईल ओळखता
पुण्यातील तरुणाचा भन्नाट प्रयोग; चक्क कंटेनरमध्ये घेतले काश्मिरी ‘केशर’चे पीक