नवी मुंबई – नवी मुंबई शहरातील बेलापूर व नेहरू विभागाला सायंकाळी सहा ते साडेसहाच्या दरम्यान अर्ध्या तासात चांगलेच झोडपले. ढगांचा गडगडात व विजांच्या कडकडाटासह बेलापूर व नेरूळ विभागात जोरदार पाऊस झाला. ३० मिनिटाच्या कालावधीत बेलापूर विभागात १६मिलिमीटर पेक्षा अधिक तर नेरूळ विभागात १९ मिलिमीटर पेक्षा अधिक पाऊस पडला. त्यामुळे नागरिकांची चांगली तारांबळ उडाली.
हेही वाचा >>> गणपती विसर्जनात खड्ड्यांचे विघ्न; महापालिकेचा खड्डेमुक्त रस्त्यांचा दावा फोल
कमी कालावधीत पडलेला जोरदार पावसामुळे बेलापूर व नेरूळ विभागातून वाहतूक मंदावली होती. दुसरीकडे वाशी व कोपरखैरणे विभागात रिमझिम पावसाची नोंद झाली तर ऐरोली दिघा परिसरात पाऊसच पडला नाही. नेरूळ व बेलापूर विभागात अचानक पडलेल्या पावसामुळे काही वेळातच रस्त्यावर पाणी साचले होते. तर कामावरून परतणार या नागरिकांची चांगलीच तारांबळ उडाली.
चौकट.. आजचा पाऊस
बेलापूर – १६ .४० मिमी.
नेरूळ – १९.८० मिमी.
वाशी – १.मिमी.
कोपरखैरणे – ०.०६ मिमी.
ऐरोली- ०० मिमी.
दिघा – ०० मिमी.