Human chain and village close agitation against Wadhwan port project palgher | Loksatta

पालघर : वाढवण बंदर विरोधात मानवी साखळी व गावबंद आंदोलनाला प्रतिसाद

विद्यमान केंद्र सरकारने वाढवण बंदर विकसित करण्यासाठी व सागरमाला योजना देशातील मच्छिमारांवर लादण्यासाठी सीआरझेड २०१९ मच्छिमारांना विश्वासात न घेता लागू केला.

पालघर : वाढवण बंदर विरोधात मानवी साखळी व गावबंद आंदोलनाला प्रतिसाद
वाढवण बंदर विरोधात मानवी साखळी व गावबंद आंदोलनाला प्रतिसाद

वाढवण बंदर विरोधात वाढवण परिसरातील गावांचा असलेला आक्रोश, सरकारपर्यंत पोहोचविण्यासाठी २ ऑक्टोबर रोजी गांधी जयंती आणि लाल बहादूर शास्त्री जयंती दिनानिमित्त झाई ते आरोंदा या महाराष्ट्राच्या किनारपट्टीवर वसलेल्या मच्छीमार गावांनी वाढवण बंदर विरोधी संघर्ष समितीच्या व मच्छीमार संघटनांच्या आवाहनाला प्रचंड प्रतिसाद देत मच्छिमार गावातील मासे बाजार मच्छी मार्केट, भाजीपाल मार्केट, डायमेकिंग व्यवसाय, स्वयंस्फूर्तीने कडकडीत बंद ठेवला. मुख्य रस्त्यांच्या बाजूला गावोगावच्या लोकांनी मानवी साखळी तयार करून सरकारला खणखणीत इशारा दिला.

हेही वाचा- कारवाईत पक्षपात? ; राजकीय विरोधी गटातील उमेदवारांनाच अतिक्रमण प्रकरणी नोटिसा

वाढवण बंदर परिसरातील धाकटी डहाणू ते चिंचणी खाडीनाका येथील मुख्य रस्त्याच्या कडेला १० किलोमीटर लांबीची आठ ते दहा हजार लोकांची प्रचंड मोठी मानवीसाखळी तयार केली होती. या मानवी साखळीत वाढवण, वरोर, चिंचणी, बहाड, पोखरण, धाकटीडहाणू, गुंगवाडा, तडीयाळे, वासगाव, ओसारवाडी, तणाशी, चंडीगाव, दांडेपाडा, अशी अनेक गावे सामील झाली होती.

हेही वाचा- इराणी रस्त्यावर हातगाडय़ांचा अडथळा ; डहाणूत फेरीवाल्यांचा मनमानी कारभार

यातील शेकडो महिलांनी एकाच रंगाच्या साड्या, तर शेकडो तरुणांनी “एकच जिद्द वाढवण बंदर रद्द” चे घोषणापत्र लिहिलेले टी-शर्ट परिधान केले होते, या मानवीसाखळीत वाढवण बंदर विरोधात जब बनेगा वाढवण बंदर, तब डूबेगी मुंबई, समुद्र आमच्या कोळ्यांचा, नाही कुणाच्या बापाचा, अशा अनेक घोषणानी आसमंत दुमदुमून गेला होता, मानवी साखळीत तान्ही लहान बाळ घेऊन काही महिला सहभागी झाल्या होत्या तर आभालवृद्ध, तरुण-तरुणी, मुले, मोठ्या संख्येने सामील होऊन, मच्छीमार, शेतकरी, बागायतदार, डायमेकर व्यावसायिक, यांना उदध्वस्त करणारे,वाढवण बंदर कायमचे हद्दपार करण्याची मागणी करीत आहेत.

हेही वाचा- माशांच्या जाळय़ात प्लास्टिक कचरा ; सागरी प्रदूषणामुळे पारंपरिक मासेमारीला धोका

यावेळी वाणगाव पोलीस ठाण्याचे सहाय्यक पोलीस निरीक्षक श्रीकांत कोळी, अल्पेश विसे, यांनी प्रचंड पोलीस बंदोबस्त तैनात केला होता, शिवाय राज्य राखीव पोलीस दलाची एक तुकडी ही मागविण्यात आली होती, वाढवण बंदर विरोधी संघर्ष समितीने, मानवी साखळी आंदोलन शांततेत पार पाडण्याच्या केलेल्या आवाहनाला येथील जनतेने प्रचंड प्रतिसाद दिल्याने, हे आंदोलन शांततेत पार पडून, पूर्णपणे यशस्वी झाल्याचा दावा करण्यात आला आहे.

मराठीतील सर्व पालघर ( Palghar ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पालघरमधील सात मच्छीमार पाकिस्तानच्या ताब्यात

संबंधित बातम्या

पक्षांतर करणाऱ्यांची निराशा ; शिंदे गटातील सदस्यांमध्ये नाराजी
डहाणुकरांसाठी खुषखबर…; लवकरच १५ डब्यांच्या लोकलमधून प्रवास घडणार
विमा कंपन्यांकडून शेतकऱ्यांची बोळवण; वाडय़ातील आंबा उत्पादकांना निम्मीच नुकसानभरपाई

व्हिडिओ

ताज्या बातम्या
Viral Video: 114 kmph वेगानं दुचाकी चालवणाऱ्या दोन तरुणांचा मृत्यू, दुभाजकाला धडक दिल्याचा थरार कॅमेरात झाला कैद
धोनीनंतर चेन्नई सुपर किंग्सचा उत्तराधिकारी कोण असू शकतो? यावर सीएसकेच्या प्रशिक्षकांनी केला खुलासा
ओला, उबरच्या धर्तीवर बेस्टची टॅक्सी सेवा; पुढील सहा महिन्यांत ५०० टॅक्सी बेस्टच्या ताफ्यात दाखल होणार
मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या
“दोघांनी छेडलं आणि दोघांनी वाचवलं”, मुंबईत विनयभंग झालेल्या कोरियन तरुणीने घेतली ‘Indian Heroes’ची भेट