Lok Sabha Election 2024: देशात आज सहाव्या टप्प्याचे मतदान; मेनका गांधी, कन्हैया कुमारसह ‘हे’ दिग्गज मैदानात

लोकसभा निवडणुकीच्या सहाव्या टप्प्यासाठी आज देशभरात विविध भागात मतदान होत आहे. सकाळी ७ वाजल्यापासून या मतदानाला सुरुवात झाली आहे. लोकसभा निवडणुकीच्या सहाव्या टप्प्यासाठी आज, २५ मे रोजी सहा राज्ये आणि दोन केंद्रशासित प्रदेशांमधील ५८ मतदारसंघांमध्ये मतदान होत आहे. आज हरियाणातील सर्व १० मतदारसंघात, उत्तरप्रदेशमधील १४ जागांवर तर दिल्लीतील सर्व ७ ठिकाणी, बिहार ८, झारखंड ४, ओडिशा ६, पश्चिम बंगालमध्ये ८ जागांवर मतदान सुरू झाले आहे. या ५८ मतदारसंघांमध्ये ११.१३ कोटी मतदार असून ५.८४ कोटी पुरुष व ५.२९ कोटी महिला मतदारांचा समोवश आहे कोणते दिग्गज मैदानात?मेनका गांधी, मनोज तिवारी, कन्हैया कुमार, बांसुरी स्वराज यांच्यासह देशातील अनेक दिग्गज उमेदवार या टप्प्यात मैदानात उतरले आहेत आणि त्यांचं भवितव्य आज मतदार मतदानातून ठरवणार आहेत. मतदानाच्या पार्श्वभूमीवर कडक पोलिस बंदोबस्त तैनात करण्यात आला आहे. सध्या देशामध्ये उन्हाचा पारा वाढलेला आहे. त्यामुळे मतदारांसाठी विशेष सोयी सुविधा देण्याचे आदेश निवडणूक आयोगानं दिले आहेत. दरम्यान, देशात लोकसभा निवडणुकीच्या मतदानाचा शेवटचा टप्पा १ जून रोजी पार पडणार आहे. तर, सर्व टप्प्यांतील मतदानाचा निकाल ४ जून २०२४ रोजी घोषित केला जाणार आहे. हे देखील वाचा- PHOTOS : पुणे पोर्श कार अपघात प्रकरणात आतापर्यंत काय घडलंय? वाचा संपूर्ण माहिती