Birthday Special : बॉलिवूडमध्ये पदार्पण करण्यापूर्वी सोनमचं होतं तब्बल इतकं वजन

1/20

ग्लॅमरस अभिनेत्री सोनम कपूरचा आज वाढदिवस आहे.

2/20

गेल्या काही काळापासून कलाविश्वामध्ये स्टारकिडची चलती असल्याचं पाहायला मिळतंय. आतापर्यंत अनेक स्टारकिडने कलाविश्वात पदार्पण केलं आहे. त्यातलंच एक नाव म्हणजे अभिनेत्री सोनम कपूर.

3/20

अभिनेता अनिल कपूर यांच्या लेकीने सोनमने संजय लीला भन्साळी दिग्दर्शित ‘सावरियाँ’ या चित्रपटातून बॉलिवूडमध्ये पदार्पण केलं.

4/20

सोनमचा जन्म ९ जून १९८५ रोजी मुंबईतल्या चेंबूरमध्ये झाला.

5/20

जुहू इथल्या आर्यविद्यामंदिर शाळेत तिने शिक्षण पूर्ण केलं.

6/20

शालेय जीवनापासूनच तिला बास्केटबॉल आणि नृत्याची खूप आवड आहे.

7/20

जॅज आणि कथ्थकचं तिने प्रशिक्षणसुद्धा घेतलं आहे.

8/20

युनिव्हर्सिटी ऑफ इस्ट लंडन इथून तिनं पदवीचं शिक्षण घेतलं.

9/20

अनिल कपूर हे इंडस्ट्रीतलं मोठं नाव असलं तरी सोनमला बॉलिवूडमध्ये करिअर करण्यासाठी संघर्ष करावा लागला.

10/20

संजय लीला भन्साळी यांची असिस्टंट म्हणून ती सुरुवातीला काम करत होती.

11/20

बॉलिवूडमध्ये पदार्पण करण्यापूर्वी तिचं वजन तब्बल ८६ किलो इतकं होतं.

12/20

बरीच मेहनत घेत, वर्कआऊट करत तिने हे वजन कमी केलं आणि ‘सावरियाँ’ या चित्रपटातून बॉलिवूडमध्ये पाऊल ठेवलं.

13/20

२००९ मध्ये ‘दिल्ली ६’ या चित्रपटातील ‘मसक्कली’ सोनम अनेकांनाच भावली. पण बॉक्स ऑफीसवर हा चित्रपटसुद्धा दणक्यात आपटला.

14/20

‘आय हेट लव्ह स्टोरी’, ‘आयशा’ यांसारख्या चित्रपटांमधून ती प्रेक्षकांच्या भेटीला आली. मात्र इथेही तिला अपेक्षित यश मिळालं नाही.

15/20

‘थँक्यू’, ‘प्लेअर’ असे एकानंतर एक सोनमचे चित्रपट फ्लॉप ठरू लागले.

16/20

अखेर २०१३ मध्ये प्रदर्शित झालेल्या ‘रांझना’ चित्रपटाने तिच्या विस्कटलेल्या करिअरची घडी बसवली असं म्हणायला हरकत नाही.

17/20

त्यानंतर २०१६ मध्ये प्रेक्षकांच्या भेटीला आलेला ‘नीरजा’ हा चित्रपट तिच्यासाठी मैलाचा दगड ठरला.

18/20

सोनमच्या एकंदर वागण्याबोलण्याचा अंदाज आणि फॅशन जगतातील तिचा वावर पाहता बॉलिवूडची ‘फॅशनिस्टा’ म्हणूनही ती नावारुपास आली.

19/20

अभिनय आणि फॅशन विश्वात आपलं स्थान निर्माण करणाऱ्या सोनमने प्रियकर आनंद अहुजाशी लग्न केलं.

20/20

(सर्व फोटो सौजन्य : सोनम कपूर / इन्स्टाग्राम)