…अन् ट्रेनचा डबा दरीत पडला; सोशल मीडियावर व्हायरल झाले फोटो

सध्या सोशल मीडियावर एका दरीतील तुटलेल्या ट्रॅकवरून ट्रेन कोसळताना व्हिडीओ प्रचंड व्हायरल होतोय. हा व्हिडीओ पाहून सारेच जण थक्क झालेत.डर्बीशायरच्या स्थानिक छायाचित्रकार जिमने सोशल मीडियावर याचे काही फोटो आणि व्हिडीओ शेअर केले आहेत. हे फोटो आणि व्हिडीओ शेअर करताना त्यांनी एक कॅप्शन देखील लिहिलंय.या व्हिडीओममध्ये बॅकग्राउंडला एक हेलिकॉप्टर देखील उडताना दिसून येत आहे. हा व्हिडीओ कोणत्याही घटनेचा नसून एका चित्रपटाच्या शूटिंगमधल्या खतरनाक स्टंटचा आहे. 'मिशन इम्पॉसिबल' स्टार टॉम क्रुझ कायमच आपल्या दमदार अभिनयाने नवा बेंचमार्क सेट करत सर्वांना आश्चर्याचा धक्का देत असतो. त्याच्या आगामी ‘मिशन: इम्पॉसिबल’चा सातव्या आणि आठव्या सीरिजचं बॅक टू बॅक शूटिंग सुरू करण्यात आलंय. या सीरिजच्या शूटिंग सेटवरचा हा बीटीएस व्हिडीओ आहे. हा शानदार अॅक्शन सीन नुकतंच डर्बीशायरमध्ये शूट करण्यात आलाय.या सीनमध्ये एक ट्रेन एका खडकावर आदळल्यानंतर कोसळताना दाखवण्यात आलंय. डर्बीशायरच्या स्टोनी मिडलटनमध्ये हा सीन शूट करण्यासाठी गेल्या अनेक महिन्यांपासून तयारी केली जात होती. 'मिशन: इम्पॉसिबल ७' च्या लेसेस्ट स्टंट शूटिंग दरम्यान आजूबाजूला उपस्थित असलेल्या स्थानिक फोटोग्राफर आणि लोकांनी हा क्षण त्यांच्या कॅमेऱ्यात टिपला. ‘मिशन: इम्पॉसिबल ७’ च्या सेटवरचा हा व्हिडीओ सध्या सोशल मीडियावर प्रचंड व्हायरल होतोय.हॉलीवूड अभिनेता टॉम क्रुझ स्वतः सर्व स्टंट करण्यासाठी प्रसिद्ध आहे. मिशन: इम्पॉसिबलच्या शूटिंगवेळी टॉम क्रुझही उपस्थित होता. कोरोना महामारीमुळे 'मिशन: इम्पॉसिबल ७' चं शूटिंग आणि रिलीज थांबवण्यात आलं होतं. आता येत्या २०२२ मध्ये 'मिशन: इम्पॉसिबल ७' रिलीज होणार आहे. (All Photos : DR Movie News/villagerjim)