समांथाच्या शरीरावर असणाऱ्या तीन टॅटूंचा अर्थ आहे फारच खास, नागाचैतन्यशी आहे थेट कनेक्शन

दाक्षिणात्य अभिनेत्री समांथा रुथ प्रभू आणि अभिनेता नागाचैतन्य हे गेल्या काही महिन्यांपासून त्यांच्या खासगी आयुष्यामुळे चर्चेत आहे.समांथा आणि नागाचैतन्य यांनी काही महिन्यांपूर्वी घटस्फोट घेतला. सोशल मीडियावर पोस्ट शेअर करत त्या दोघांनी वेगळं होत असल्याचे जाहीर केले.त्यांच्या या निर्णयामुळे अनेकांना धक्का बसला. या दोघांनी घटस्फोट का घेतला? याचे कारण अद्याप समोर आलेले नाही.मात्र वेगळे झाल्यानतंर समांथा आणि नागाचैतन्य एकमेकांशी जोडलेले पाहायला मिळत आहे. याचे प्रमुख कारण म्हणजे समांथाच्या शरीरावर असणारे टॅटू.‘पुष्पा’ चित्रपटातील ‘उ अंतावा उ उ अंतावा’ या आयटम साँगमुळे प्रचंड चर्चेत असलेल्या समांथाच्या शरीरावर तीन टॅटू आहेत.समांथाला टॅटूची प्रचंड आवड आहे. तिच्यासाठी हे टॅटू खास असून त्याचा अर्थ प्रचंड वेगळा आहे.समांथाने नागाचैतन्यप्रमाणे तिच्या मनगटावर एक टॅटू काढला आहे. या टॅटूमध्ये दोन बाण दिसत आहेत.हा टॅटू एक रोमन चिन्ह आहे. 'स्वतःची ओळख स्वत: बनवा', असा या टॅटूचा अर्थ आहे.यानंतर समांथाच्या पाठीवर मानेच्या अगदी खाली एक टॅटू पाहायला मिळत आहे. यात YMC अशी तीन अक्षरे टॅटू म्हणून दिसत आहेत.YMC या टॅटूचा संबंध नागा चैतन्यशी आहे. हा टॅटू 'ये माया चेसावे' चित्रपटाशी संबंधित आहे.समांथासाठी हा चित्रपट खूप खास आहे. कारण या चित्रपटाच्या शूटिंगदरम्यान नागा चैतन्य आणि तिची पहिल्यांदा भेट झाली होती.समांथाचा तिसरा टॅटू हा तिच्या कमरेजवळ आहे. यात तिने 'Chay' असे लिहिले आहे.हा टॅटूही नागाचैतन्यशी संबंधित असून तिने त्यावर त्याचे टोपणनाव लिहिले आहे.समांथा आणि नागा चैतन्य यांनी २०१० मध्ये एकमेकांना डेट करायला सुरुवात केली.ऑक्टोबर २०१७ मध्ये हे दोघं विवाहबंधनात अडकले. लग्नाच्या जवळपास ४ वर्षांनंतर त्यांनी घटस्फोट घेतला आहे.