bjp leader devendra fadnvis wife amruta fadnvis participated in kitchen kallakar show on zee marathi see photos | Photos : 'मिठाऐवजी टाकली पिठीसाखर'; किचन कल्लाकार शोमध्ये अमृता फडणवीसांनी चुलीवर थापल्या भाकऱ्या

'किचन कल्लाकार' या झी मराठी वाहिनीवरील कुकरी शोमध्ये विरोधी पक्षनेते देवेंद्र फडणवीस यांची पत्नी अमृता फडणवीस यांनी हजेरी लावली.याचे फोटो अमृता फडणवीसांनी त्यांच्या इन्स्टाग्राम अकाऊंटवरून शेअर केले आहेत.'किचन कल्लाकार'मध्ये विरोधी पक्षनेते देवेंद्र फडणवीस यांनीही व्हिडीओ कॉन्फरन्सिंगद्वारे हजेरी लावली.या शो दरम्यान देवेंद्र फडणवीस आणि अमृता फडणवीस यांच्यातील अनेक मजेदार किस्से ऐकायला मिळाले.त्यानंतर "देवेंद्रजी किती पुरणपोळ्या खाऊ शकतात?", असा प्रश्न विचारण्यात आला.त्यावर अमृता यांनी ते ३०-३५ पुरणपोळ्या सहज पातेलंभर तूपासोबत खायचे असे म्हटलं."देवेंद्रजींच्या हातचा कोणता पदार्थ आवडतो?" या प्रश्नावर अमृता फणवीसांनी डोसा असं उत्तर दिलं."देवेंद्रजी डोसा एकदम कुरकुरीत बनवतात.", असं त्या म्हणाल्या.अमृता फडणवीसांना किचन कल्लाकार शोमध्ये कोंबडीवडे बनवण्याचं चॅलेंज देण्यात आलं.या शोमध्ये अमृता फडणवीसांना मदत करण्यासाठी त्यांच्या नणंदेनेही सहभाग नोंदवला.शो दरम्यान देवेंद्र फडणवीसांनी अमृता यांच्या फसलेल्या पदार्थाचा किस्सा देखील सांगितला.मीठ आणि पिठी साखर यात गल्लत झाल्यामुळे अमृता फडणवीसांनी पालक पनीरमध्ये मिठाऐवजी पिठी साखर टाकली होती.हा किस्सा ऐकल्यानंतर कार्यक्रमात हशा पिकला.किचन कल्लाकार शोमध्ये अमृता यांनी चुलीवर भाकऱ्या देखील थापल्या.शो दरम्यान जेवण बनवताना गुणगुणण्याचा मोह देखील अमृता फडणवीसांना आवरता आला नाही.अमृता फडणवीस यांच्यासोबतच अभिनेत्री स्मिता जयकर आणि गायक स्वप्नील बांदोडकर या कलाकारांनी देखील सहभाग घेतला.आता अमृता फडणवीस त्यांनी बनवलेल्या पदार्थांनी परिक्षकांना खुश करणार का? हे ‘किचन कल्लाकार’ या शोच्या आगामी भागामध्ये पाहायला मिळेल.(सर्व फोटो : अमृता फडणवीस/ इन्स्टाग्राम)