‘तू हात हाती धरावा…’, यश आणि नेहाचे रोमँटिक फोटोशूट पाहिलात का?

छोट्या पडद्यावरील लोकप्रिय मालिकांपैकी एक मालिका म्हणून ‘माझी तुझी रेशीमगाठ’ या मालिकेला ओळखले जाते. या मालिकेच्या लोकप्रियेतत दिवसेंदिवस वाढ होत आहे.या मालिकेत अभिनेता श्रेयस तळपदे आणि प्रार्थना बेहरे मुख्य भूमिकेत आहेत. या दोन उत्तम कलाकारांसोबतच मायरा म्हणजेच परी ही चिमुकली सुद्धा प्रेक्षकांना आपलीशी वाटत आहे.या मालिकेत यश आणि नेहाची केमिस्ट्री प्रेक्षकांच्या पसंतीस उतरताना दिसत आहे.यश आणि नेहा दोघेही एकमेकांच्या प्रेमात पडले आहेत. त्यामुळे ही मालिका एका उत्कंठावर्धक वळणावर पोहोचली आहे.काही दिवसांपूर्वीच नेहाने यशवरील प्रेमाची कबुली दिली आहे. त्यामुळे सध्या या मालिकेत यश आणि नेहाच्या नात्यात प्रेमाचा बहर येत असल्याचे दिसत आहे.नुकतंच प्रार्थना बेहेरने या फोटोशूटचे रोमँटिक फोटो शेअर केले आहेत.यात नेहा ही छान गाऊनमध्ये दिसत आहे. तर यशनेही काळ्या रंगाचा सूट परिधान केल्याचे पाहायला मिळत आहे.नेहा आणि यश हे दोघेही या नव्या लूकमध्ये फारच सुंदर दिसत आहे. विशेष म्हणजे त्यांचा हा लूक पाहून चाहतेही फार खूश झाल्याचे दिसत आहेत.