किचन कल्लाकारमध्ये बच्चे कंपनीचा कल्ला; 'तुझ्यात जीव रंगला' फेम लाडूसोबत शौर्या आणि रेणुकाने लावली हजेरी

झी मराठीवरील 'तुझ्यात जीव रंगला' या लोकप्रिय मालिकेतील लाडू म्हणजेच बालकलाकार राजवीरसिंह राजे याने प्रेक्षकांच्या मनात अढळ स्थान निर्माण केलं.लाडूला प्रेक्षक आजही विसरले नाही आहेत. आता राजवीर प्रेक्षकांना किचन कल्लाकारच्या किचनमध्ये दिसणार आहे.किचन कल्लाकारच्या आगामी भागात बच्चे कंपनी प्रेक्षकांच्या भेटीस येणार आहे.या भागात राजवीरसोबत अभिनेत्री स्नेहलता वसईकरची मुलगी शौर्या वसईकर आणि गायक राहुल देशपांडेची मुलगी रेणुका देशपांडे देखील सहभागी होणार आहे.ही मुलं कल्लाकारच्या किचनमध्ये खूपच कल्ला करताना दिसणार आहेत. लाडू म्हणजे छोटा पहेलवान आणि त्याला सामान मिळवण्यासाठी शेठ यांच्यासोबत बैठका मारण्याची स्पर्धा करावी लागणार आहे.शौर्याला देखील सामान मिळवण्यासाठी अनेक कडू, गोड, आंबट रसांचा आस्वाद घ्यावा लागला.