Oscar 2022 : वॉर्नर ब्रदर्सच्या ‘डयून’चा ऑस्करमध्ये डंका; ठरला सर्वाधिक पुरस्कार मिळवणारा चित्रपट

सिनेसृष्टीतील सर्वोच्च पुरस्कार म्हणून गौरवल्या जाणाऱ्या यंदाच्या ९४ व्या ऑस्कर पुरस्कारांची घोषणा करण्यात आली आहे. (फोटो : इंडियन एक्सप्रेस)यंदाच्या ऑस्कर पुरस्कार सोहळ्यात वॉर्नर ब्रदर्स निर्मित ‘डयून’ चित्रपटाला सर्वाधिक पुरस्कार मिळाले आहेत. या चित्रपटाने तब्बल सहा पुरस्कारांवर नाव कोरले आहे. ‘डयून’ चित्रपटाचं दिग्दर्शन डेनिस विलेन्यूवे या प्रसिद्ध दिग्दर्शकानं केलं आहे.या चित्रपटात अभिनेता टिमोथी चालमत आणि अभिनेत्री जेसिका फर्ग्यूसन यांच्या मुख्य भूमिका आहेत. ऑस्कर २०२२ चे सर्वाधिक पुरस्कार जिंकणाऱ्या ‘डयून’ चित्रपटाला १० नामांकनं मिळाली होती. यापैकी सर्वोत्कृष्ट फिल्म एडिटिंग, सर्वोत्कृष्ट ओरिजनल स्कोर सोबतच सर्वोत्कृष्ट प्रोडक्शन डिजाइन हे पुरस्कार चित्रपटाला मिळाले. चित्रपटाच्या सर्वोत्कृष्ट सिनेमॅटोग्राफीसाठी ग्रीग फेझर यांना पुरस्कार देण्यात आला. याशिवाय सर्वोत्कृष्ट साउंड, सर्वोत्कृष्ट विजुअल इफेक्ट या प्रकारातील पुरस्कारांवरही ‘डयून’ चित्रपटाने नाव कोरले आहे. (सर्व फोटो : आयएमडीबी)