Photos : ‘KGF 2’ स्टार यशची रॉकिंग कमाई; लक्झरी गाड्या आणि आलिशान बंगल्याची किंमत ऐकून थक्क व्हाल

दाक्षिणात्य रॉकिंग स्टार यश मुख्य भूमिकेत असलेला 'केजीएफ २' हा चित्रपट १५ एप्रिलपासून प्रेक्षकांच्या भेटीला येणार आहे. 'केजीएफ' या २०१८ साली प्रदर्शित झालेल्या चित्रपटाचा हा सिक्वेल आहे. रॉकिंग स्टार यश या चित्रपटात 'रॉकी भाई' हे पात्र साकारणार आहे. अॅक्शन सीन्सचा थरार असणाऱ्या या चित्रपटाच्या ट्रेलरलाही चाहत्यांनी पसंती दर्शविली. यश हा आघाडीच्या दाक्षिणात्य अभिनेत्यांपैकी एक आहे. २००८ साली 'मोगीना मनसु' या चित्रपटातून यशने दाक्षिणात्य चित्रपटसृष्टीत पदार्पण केले. या चित्रपटात त्याने मुख्य भूमिका साकारली होती. यशने अभिनेत्री राधिका पंडित सोबत २०१६ साली लग्नगाठ बांधली. या दोघांना आयरा आणि याथर्व ही दोन मुले आहेत. यश आणि त्याचे कुटुंब. यश आपल्या कुटुंबासोबत बंगळुरू येथे असलेल्या आलिशान बंगल्यात राहतो. या बंगल्याची किंमत चार करोड रुपये इतकी आहे. 'केजीएफ' चित्रपटाच्या यशानंतर हा बंगला यशने खरेदी केल्याची माहिती आहे. अभिनयाप्रमाणेच यशची लाइफस्टाइलही रॉकिंग आहे. कुटुंबासोबत मालदीवमध्ये खास क्षण एन्जॉय करताना. यश एका वर्षात सुमारे पाच कोटी रुपयांची कमाई करतो. एका रिपोर्ट्सनुसार त्याच्या वार्षिक उत्पन्नात दर वर्षी ३० टक्क्यांनी वाढ होत असल्याचा अंदाज आहे. यशकडे महागड्या गाड्यांचं कलेक्शन देखील आहे. मर्सिडीज बेन्झ जीएलएस ३५० डी, मर्सिडीज बेन्झ जीएलसी २५० डी, रेंज रोव्हर, ऑडी क्यू ७ या लक्झरी गाड्या आहेत. मीडिया रिपोर्ट्सनुसार यशची एकूण संपत्ती पाच मिलियन डॉलर इतकी आहे. भारतीय रुपयानुसार जवळपास ४० कोटी रुपये इतकी त्याची संपत्ती आहे. तर त्याची पत्नी सुमारे ११.९ कोटी रुपये संपत्तीची मालकीण आहे. मीडिया रिपोर्ट्सनुसार, यश आणि त्याची पत्नी या दोघांची एकूण संपत्ती ५१.९ कोटी रुपये इतकी आहे. (सर्व फोटो : यश/ इन्स्टाग्राम)