Photos: ‘धर्मवीर’ची टीम येणार हास्यजत्रेच्या मंचावर; एकनाथ शिंदेही लावणार हजेरी

पूर्ण महाराष्ट्राचा लाडका कार्यक्रम अर्थातच 'महाराष्ट्राची हास्यजत्रा' आता हास्यपंचमी साजरी करत आहे. आठवड्यातले पाचही दिवस हास्यरसिकांना हा कार्यक्रम बघायला मिळतो आहे. यंदाच्या आठवड्यात म्हणजेच १६ आणि १७ मे रोजी रसिकांचं मनोरंजन वाढणार आहे. कारण 'महाराष्ट्राची हास्यजत्रा'च्या मंचावर येणार आहेत राज्याचे सर्वाजनिक बांधकाम, नगरविकासमंत्री मंत्री तसेच ठाण्याचे पालकमंत्री एकनाथ शिंदे. अनेक सभांमधून, भाषणांतून जनतेची मनं जिंकणारे एकनाथ शिंदे निखळ मनोरंजनाचा खास आस्वाद घ्यायला येणार आहेत. एकनाथ शिंदे यांच्यासोबत त्यांचा मुलगा डॉ. श्रीकांत शिंदेसुद्धा येणार असून, हास्याच्या मंचावर हे दिग्ग्ज खळखळून हसणार आहेत. आम्हाला हा कार्यक्रम खूप आवडतो असं त्यांनी कार्यक्रमात सांगितलं. अभिनेता प्रसाद ओक याचा 'धर्मवीर' हा चित्रपट प्रेक्षकांच्या भेटीला आला आहे. लेखक प्रवीण तरडे यांच्या लिखाणाने सजलेला हा चित्रपट प्रेक्षकांना एका जुन्या आणि लोकप्रिय राजकीय नेत्याची कारकिर्द सांगणार आहे. लेखक, दिग्दर्शक प्रवीण तरडे, निर्माता मंगेश देसाई, क्षितीश दाते आणि अभिनेत्री श्रुती मराठे हे कलाकार हास्याच्या मंचावर येणार आहेत. 'धर्मवीर' या चित्रपटाची सगळीकडेच खूप चर्चा आहे. या चित्रपटाला प्रेक्षकांचा उत्तम प्रतिसाद मिळत आहे. अभिनेता प्रसाद ओक मुख्य भूमिकेत असलेल्या चित्रपटाची टीम 'महाराष्ट्राची हास्यजत्रा'च्या मंचावर येणार आहे. या चित्रपटामध्ये अभिनेता प्रसाद ओकने आनंद दिघेंची भूमिका साकारली आहे. हास्यरसिकांसाठी ही पर्वणी ठरेल. या चित्रपटाचे दिग्दर्शक प्रवीण तरडे यांनी केलं असून निर्माते मंगेश देसाई आहेत. चित्रपटाचा संपूर्ण टीम नक्की कशी धमाल करणार, हे बघण्यासाठी 'महाराष्ट्राची हास्यजत्रा' पाहत राहा. (सर्व फोटो सौजन्य : यूट्यूब)