Photos : ‘आश्रम’मधील पम्मीच्या बोल्ड फोटोंवर चाहते घायाळ; अदितीची आणखी एक वेब सीरिज प्रेक्षकांच्या भेटीला

एमएक्स प्लेयरवरील बहुचर्चित 'आश्रम' वेब सीरिजचा तिसरा सीझन आजपासून प्रेक्षकांच्या भेटीला आला आहे. बॉलिवूड अभिनेता बॉबी देओल मुख्य भूमिकेत असलेल्या या वेब सीरिजच्या दोन्ही सीझनला प्रेक्षकांकडून उस्फुर्त प्रतिसाद मिळाला. 'आश्रम'मध्ये पम्मी ही भूमिका साकारून अभिनेत्री अदिती पोहनकरने प्रेक्षकांची मनं जिंकली. या वेब सीरिजमुळे अदितीला लोकप्रियता मिळाली. 'आश्रम'आधी अदिती 'शी' या वेब सीरिजमुळे प्रकाशझोतात आली होती. अदिती या सीरिजमध्ये एका पोलिसाच्या भूमिकेत दिसली होती. या सीरिजमधील तिच्या अभिनयाचं कौतुकदेखील झालं होतं. 'आश्रम' नंतर 'शी' या वेब सीरिजचा दुसरा सीझनही प्रेक्षकांच्या भेटीला येत आहे. १८ जून रोजी या वेब सीरिजचा दुसरा सीझन प्रदर्शित होणार आहे. 'लव्ह सेक्स और धोका' या चित्रपटातून आदितीने अभिनय क्षेत्रातील करिअरला सुरुवात केली होती. आदितीने 'लय भारी' या चित्रपटातही महत्त्वाची भूमिका साकारली होती. अदितीचा चाहता वर्ग मोठा आहे. सोशल मीडियावरून ती चाहत्यांच्या संपर्कात राहण्याचा प्रयत्न करते. अदिती तिच्या इन्स्टाग्राम अकाऊंटवरून फोटो शेअर करत असते. पम्मीच्या बोल्ड फोटोंमुळे चाहते घायाळ होतात. (सर्व फोटो : अदिती पोहनकर/ इन्स्टाग्राम)