Photos : ‘आश्रम ३’मधील साध्वी माता आहे खूपच ग्लॅमरस; सैफ अली खानसोबत झळकली होती बॉलिवूड चित्रपटात

बहुचर्चित ‘आश्रम ३’ या वेब सीरिजचा तिसरा सीझन प्रेक्षकांच्या पसंतीस उतरत आहे. पहिल्या दोन सीझनप्रमाणेच या वेब सीरिजच्या तिसऱ्या सीझनलाही प्रेक्षकांकडून भरघोस प्रतिसाद मिळत आहे. ‘एक बदनाम…आश्रम’ या तिसऱ्या पर्वाची निर्मिती आणि दिग्दर्शन प्रकाश झा यांनी केले आहे. कपट-कारस्थानं, हिंसा, दादागिरी, विश्वासघात, हत्याकांड आणि तद्दन मसाल्याने भरलेली ही वेब सीरिज सर्वाधिक ट्रेण्डिंग राहिली आहे. ‘आश्रम ३’ वेब सीरिज सध्या प्रेक्षकांचं पुरेपूर मनोरंजन करताना दिसत आहे. या वेब सीरिजप्रमाणेच त्यातील कलाकारांचीही सोशल मीडियावर तुफान चर्चा होताना दिसत आहे. बॉलिवूड अभिनेता बॉबी देओल वेब सीरिजमध्ये ‘बाबा निराला’ मुख्य भूमिकेत आहे. अभिनेत्री परिणीता सेठने ‘आश्रम ३’मध्ये साध्वी माताची भूमिका साकारली आहे. वेब सीरिजमध्ये साध्वी माता बाबा निरालाच्या कारस्थानांत त्याला पुरेपूर साथ देताना दिसते. ‘आश्रम ३’मध्ये साडीत अगदी साधी दिसणारी साध्वी माता खऱ्या आयुष्यात मात्र खूपच ग्लॅमरस आहे. परिणीता सोशल मीडियावर प्रचंड सक्रिय असते. अनेक फोटो ती इन्स्टाग्राम अकाऊंटवरून शेअर करत असते. छोट्या पडद्यावरील 'सीआयडी' सोबत अनेक मालिकांमध्ये परिणीता दिसली होती. मालिकांप्रमाणेच परिणीताने अनेक वेब सीरिजमध्येही काम केलं आहे. बॉलिवूड अभिनेता सैफ अली खानसोबत 'हम तुम' या चित्रपटातदेखील ती झळकली होती. (सर्व फोटो : परिणीता सेठ /इन्स्टाग्राम)